ନୂଆଦିଲ୍ଲୀ: କଂଗ୍ରେସ ନେତ୍ରୀ ସୋନିଆ ଗାନ୍ଧୀଙ୍କ ନାମ ମତଦାତା ତାଲିକାରେ ସାମିଲ ହେବା ନେଇ ଦିଲ୍ଲୀର ଏକ ଅଦାଲତ ନିମ୍ନ ଅଦାଲତଙ୍କ ରାୟକୁ ଖାରଜ କରିଛନ୍ତି । ନିର୍ଦ୍ଧାରିତ ପ୍ରକ୍ରିୟା ଅନୁଯାୟୀ ମାଜିଷ୍ଟ୍ରେଟ୍ ରାୟ ଦେଇ ନ ଥିବା ସେସନ୍ କୋର୍ଟର ସ୍ୱତନ୍ତ୍ର ବିଚାରପତି ବିଶାଲ ଗୋଗନେ କହିଛନ୍ତି । 

୧୯୮୩ ମସିହାରେ ଭାରତୀୟ ନାଗରିକତା ପାଇବାର ପ୍ରାୟ ତିନି ବର୍ଷ ପୂର୍ବରୁ ସୋନିଆ ଗାନ୍ଧୀଙ୍କ ନାମ ଭୋଟର ତାଲିକାରେ ସାମିଲା କରାଯାଇଥିଲା । ଆଇନଜୀବୀ ବିକାଶ ତ୍ରିପାଠୀ ଏକ ଅଭିଯୋଗ ଦାଖଲ କରିଥିଲେ। ସେପ୍ଟେମ୍ବର ୧୧, ୨୦୨୫ ରେ ମାଜିଷ୍ଟ୍ରେଟ ଅଭିଯୋଗର ତଦନ୍ତ କରିବାକୁ ମନା କରିଦେଇଥିଲେ ଏବଂ ତ୍ରିପାଠୀ ଏହି ଆଦେଶ ବିରୁଦ୍ଧରେ ଉପରସ୍ଥ କୋର୍ଟରେ ଏକ ଆବେଦନ ଦାଖଲ କରିଥିଲେ।

ସ୍ୱତନ୍ତ୍ର ବିଚାରପତି ବିଶାଲ ଗୋଗନେ ମାମଲାର ଶୁଣାଣି କରି ମାଜିଷ୍ଟ୍ରେଟଙ୍କ ଉପରେ ବର୍ଷିଛନ୍ତି । ଉପଯୁକ୍ତ ପ୍ରକ୍ରିୟା ଅନୁସରଣ ନ କରି ମାଜିଷ୍ଟ୍ରେଟ୍ ରାୟ ଦେବାକୁ ଉପରେ କୋର୍ଟ କ୍ଷୁବ୍ଧ ହୋଇଛନ୍ତି । ବିଚାରପତି ଗୋଗାନେ କହିଛନ୍ତି ଯେ ମାଜିଷ୍ଟ୍ରେଟ ପ୍ରଥମେ ପୋଲିସ ଅଧିକାରୀଙ୍କ କଥା ଶୁଣି ସମ୍ପୃକ୍ତ ପୋଲିସ ଷ୍ଟେସନରୁ ସ୍ଥିତି ରିପୋର୍ଟ ମାଗାଯାଇନଥିଲା । ପୋଲିସକୁ ଏଫଆଇଆର ପଞ୍ଜିକରଣ କରିବାକୁ ନିର୍ଦ୍ଦେଶ ଦିଆଯିବା ଉଚିତ ଥିଲା ଏବଂ ଅନ୍ୟ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଉଚିତ ଥିଲା।

କୋର୍ଟ କହିଛନ୍ତି ଯେ ଅଭିଯୋଗଟି ଏକ ବିଚାରଯୋଗ୍ୟ ଅପରାଧ କି ନୁହେଁ ଏହି ମୌଳିକ ପ୍ରଶ୍ନର ସମାଧାନ କରିବାରେ ମାଜିଷ୍ଟ୍ରେଟ୍ ବିଫଳ ହୋଇଛନ୍ତି । ବରଂ ନାଗରିକତା ପ୍ରସଙ୍ଗରେ ଧ୍ୟାନ ଦିଆଯାଇଥିଲା। ଏହି ମାମଲା ବିଚାରଯୋଗ୍ୟ ଅପରାଧ ହେବ କି ନାହିଁ ଏହି ଦିଗକୁ ସଠିକ୍ ଭାବରେ ବିଚାର କରାଯାଇ ନଥିଲା। ଫଳସ୍ୱରୂପ, ପୂର୍ବ ନିର୍ଦ୍ଦେଶକୁ ଆଇନଗତ ଭାବରେ ଭୁଲ ବୋଲି ଧରାଯାଇଥିଲା।

କୋର୍ଟ ପୁନର୍ବାର ମାମଲାକୁ ମାଜିଷ୍ଟ୍ରେଟଙ୍କ ନିକଟକୁ ପଠାଇ ଦେଇଛନ୍ତି । ପୁନର୍ବାର ଯୁକ୍ତି ଶୁଣାଯାଉ ଏବଂ ଆଇନ ଅନୁଯାୟୀ କାରଣ ସହିତ ଏକ ନିର୍ଦ୍ଦେଶ ପ୍ରଦାନ କରାଯାଉ ବୋଲି ଉପର କୋର୍ଟ ନିର୍ଦ୍ଦେସ ଦେଇଛି । । ସେପ୍ଟେମ୍ବର 29 ତାରିଖରେ ମାମଲାର ପରବର୍ତ୍ତୀ ଶୁଣାଣି ହେବ ।