ପୁରୀ: ହୁତୁହୁତୁ ହୋଇ ଜଳିଗଲା ଫ୍ଲେକ୍ସ ଦୋକାନ। ପୁରୀ କଲେଜ ଛକ ନିକଟରେ ଥିବା ଦେବି ଫ୍ଲେକ୍ସ ଦୋକାନ ରେ ନିଆଁ ଲାଗିଛି । ଅଗ୍ନିଶମ ବିଭାଗ ଦ୍ୱାରା ନିଆଁକୁ ଆୟତ୍ତ କରାଯାଇଛି । ସୂଚନା ଅନୁସାରେ, ଫ୍ଲେକ୍ସ ଦୋକାନରେ କୌଣସି କାରଣରୁ ନିଆଁ ଲାଗି ଯାଇଥିଲା । ଫଳରେ ସେଠାରେ ଉପସ୍ଥିତ ଥିବା ସ୍ଥାନୀୟ ଲୋକ ଦୋକାନ ମାଲିକ ଙ୍କୁ ଖବର ଦେଇଥିଲେ। ନିଆଁ ଜଳିବା ଯୋଗୁଁ ନିକଟସ୍ଥ ଅଞ୍ଚଳ ଧୂଆଁମୟ ହୋଇଉଠିଥିଲା।

ଦୋକାନରେ ଫ୍ଲେକ୍ସ ତିଆରି ସାମଗ୍ରୀ ଓ ମେସିନ ଆଦି ଜଳି ଯାଇଛି। ଆନୁମାନିକ ୩୦ ଲକ୍ଷ ଟଙ୍କାର ଫ୍ଲେକ୍ସ ମେସିନ ଓ ଫ୍ଲେକ୍ସ ତିଆରି ସାମଗ୍ରୀ ନିଆଁ ଲାଗି ନଷ୍ଟ ହୋଇଛି। ଅଗ୍ନିଶମ କର୍ମଚାରୀମାନେ ଘଟଣା ସ୍ଥଳରେ ପହଂଚି ବହୁ ସମୟ ପରେ ନିଆଁକୁ ଆୟତ୍ତ କରିଥିଲେ। ସଟ ସର୍କିଟ ଯୋଗୁଁ ନିଆଁ ଲାଗିଥିବା ଅନୁମାନ କରାଯାଉଛି ।ଦୋକାନ ଭିତରେ ରହୁଥିବା ରାଜେଶ ନାମକ ଜଣେ କର୍ମଚାରୀ ଗୁରୁତର ଆହତ ହୋଇ ମେଡିକାଲର ଆଇସିୟୁରେ ଭର୍ତ୍ତି ହୋଇଛନ୍ତି । ନିଆଁ ଲାଗିବାର କାରଣ ଅସ୍ପଷ୍ଟ ରହିଛି ।