ମୁମ୍ବାଇ: ମହାରାଷ୍ଟ୍ରରେ ହିନ୍ଦୀ ଭାଷାକୁ ବାଧ୍ୟତାମୂଳକ କରିବା ନିଷ୍ପତ୍ତିକୁ ବର୍ତ୍ତମାନ ପାଇଁ ସ୍ଥଗିତ ରଖାଯାଇଛି। ମହାରାଷ୍ଟ୍ର କ୍ୟାବିନେଟରେ ଶିବସେନା ମନ୍ତ୍ରୀ ଗୁଲାବରାଓ ପାଟିଲ, ସମ୍ଭୁରାଜ ଦେଶାଇ ଏବଂ ଦାଦା ଭୁସେ ହିନ୍ଦୀ ଭାଷାକୁ ବାଧ୍ୟତାମୂଳକ କରିବା ଉପରେ ସ୍ଥଗିତ ରଖିବାକୁ ଦାବି କରିଥିଲେ। ବର୍ତ୍ତମାନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ ଏହାର ଆନୁଷ୍ଠାନିକ ଘୋଷଣା କରିଛନ୍ତି। ମୁଖ୍ୟମନ୍ତ୍ରୀ କହିଛନ୍ତି  ତିନି ଭାଷା ଉପରେ କମିଟି ଏକ ରିପୋର୍ଟ ପ୍ରସ୍ତୁତ କରିବ, ସେପର୍ଯ୍ୟନ୍ତ ଏହାକୁ ସ୍ଥଗିତ ରଖାଯାଇଛି।

ସାମ୍ବାଦିକ ସମ୍ମିଳନୀରେ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନଭିସ୍ କହିଛନ୍ତି, "ସରକାର ତିନି ଭାଷା ନୀତି ଉପରେ ଜାରି ହୋଇଥିବା ଉଭୟ ଜିଆରକୁ ବାତିଲ କରିଛନ୍ତି। ତିନି ଭାଷା ନୀତିକୁ କାର୍ଯ୍ୟକାରୀ କରିବା ପାଇଁ ଏକ କମିଟି ଗଠନ କରାଯାଇଛି। ଆଜି କ୍ୟାବିନେଟ ବୈଠକରେ, ଆମେ ନିଷ୍ପତ୍ତି ନେଇଛୁ ଯେ ତିନି ଭାଷା ନୀତିକୁ କିପରି କାର୍ଯ୍ୟକାରୀ କରାଯିବ ତାହା ବିଚାର କରିବା ପାଇଁ ଡକ୍ଟର ନରେନ୍ଦ୍ର ଜାଧବଙ୍କ ଅଧ୍ୟକ୍ଷତାରେ ଏକ କମିଟି ଗଠନ କରାଯିବ। ଏହି କମିଟି ସମସ୍ତ ସମ୍ପୃକ୍ତ ପକ୍ଷଙ୍କ ସହିତ ଆଲୋଚନା କରିବ ଏବଂ  ଏହାର ରିପୋର୍ଟ ଆଧାରରେ ତିନି ଭାଷା ନୀତିକୁ କାର୍ଯ୍ୟକାରୀ କରାଯିବ। ତେଣୁ, ତିନି ଭାଷା ନୀତି ଉପରେ ଜାରି ହୋଇଥିବା ଉଭୟ ସରକାରୀ ନିର୍ଦ୍ଦେଶ (ଜିଆର) ବାତିଲ କରାଯାଉଛି। ଆମ ପାଇଁ, ମରାଠୀ ଏହି ନୀତିର କେନ୍ଦ୍ର ବିନ୍ଦୁ ରହିବ।

ସେ କହିଛନ୍ତି, ମରାଠୀ ଭାଷାକୁ ନେଇ ଯେଉଁମାନେ ଶୋଇଛନ୍ତି ସେମାନଙ୍କୁ ଉଠାଇହେବ, କିନ୍ତୁ ଯେଉଁମାନେ ଅଭିନୟ କରୁଛନ୍ତି ସେମାନଙ୍କୁ ନୁହେଁ। କର୍ଣ୍ଣାଟକ ଏବଂ ୟୁପି ଭଳି ରାଜ୍ୟ ସେମାନଙ୍କର ଶିକ୍ଷା ନୀତି କାର୍ଯ୍ୟକାରୀ କରିଛନ୍ତି। ୨୦୨୦ ଅକ୍ଟୋବର ୧୬ରେ ଉଦ୍ଧବ ଠାକରେଙ୍କ ନେତୃତ୍ୱରେ ଏକ ଜିଆର (ସରକାରୀ ନିର୍ଦ୍ଦେଶ) ଜାରି କରାଯାଇଥିଲା। ଏହା ଅନ୍ତର୍ଗତରେ ରଘୁନାଥ ମାସେଲକରଙ୍କ ଅଧ୍ୟକ୍ଷତାରେ ଏକ ୧୮ ଜଣିଆ କମିଟି ଗଠନ କରାଯାଇଥିଲା। 

ଏହି କମିଟିରେ ଥୋରାଟ, ୟେଭାଲେ, ରାଜନ ଭେଲୁକର, ସପକାଲ, ଜି.ଡି. ଜାଧବ, ବିଜୟ ପାଟିଲ, ନୀତିନ ପୂଜାର, ଅଭୟ ୱାଘ, ନିରଞ୍ଜନ ହିରାନନ୍ଦାନି, ଭାରତ ଆହୁଜା, ଦେବୀଦାସ ଗୋଲାର, ମିଲିନ୍ଦ ସଟମ, ଅଜିତ ଜୋଶୀ, ବିଜୟ କଦମ (ଶିବସେନା ଉଦ୍ଧବ ଗୋଷ୍ଠୀର ଉପନେତା), ଧନରାଜ ମନେ ଆଦି  ଥିଲେ। ଏହା ମରାଠୀ ଏବଂ ଶିକ୍ଷାବିତ ମାନଙ୍କର ଏକ ବିଶେଷଜ୍ଞ କମିଟି ଥିଲା।