ମୁମ୍ବାଇ: ସିନେ ପ୍ରେମୀଙ୍କ ପାଇଁ ବଡ଼ ଖୁସିର ଖବର। କମେଡି ଫିଲ୍ମ 'ହେରା ଫେରି ୩'କୁ ଫେରିବେ  ପରେଶ ରାୱଲ। ଏହି ବରିଷ୍ଠ ଅଭିନେତା ନିଜେ ପ୍ରକାଶ କରିଛନ୍ତି ଯେ ସେ ପୁଣି ଥରେ ଫିଲ୍ମରେ ବାବୁ ଭୈୟା ଭୂମିକାରେ ନଜର ଆସିବେ। ପରେଶ ରାୱଲ ଅକ୍ଷୟ କୁମାରଙ୍କ ସହ ବିବାଦ ବିଷୟରେ ମଧ୍ୟ ଖୋଲାଖୋଲି କହିଛନ୍ତି। ସେ  କହିଛନ୍ତି  ସେମାନଙ୍କ ମଧ୍ୟରେ ଯାହା ବିବାଦ ଥିଲା ତାହା ସମାଧାନ ହୋଇଯାଇଛି।

ବଲିଉଡ ହଙ୍ଗାମା ସହିତ ଏକ ପଡକାଷ୍ଟରେ ପରେଶ ରାୱଲ କରିଛନ୍ତି ଯେ ସେ 'ହେରା ଫେରି ୩' କରିବାକୁ ପ୍ରସ୍ତୁତ। ଅକ୍ଷୟ କୁମାରଙ୍କ ସହ ଝଗଡ଼ା ଉପରେ ଅଭିନେତା କହିଛନ୍ତି- 'ପ୍ରକୃତରେ କୌଣସି ବିବାଦ ନାହିଁ। ଯେତେବେଳେ ଦର୍ଶକମାନେ ଏକ ପ୍ରୋଜେକ୍ଟକୁ ଏତେ ପସନ୍ଦ କରନ୍ତି, ଆପଣଙ୍କୁ ଏହାକୁ ଅଧିକ ସତର୍କତାର ସହିତ କାମ କରିବାକୁ ପଡିବ।' 

ପରେଶ ରାୱଲ ଏହା ମଧ୍ୟ  କହିଛନ୍ତି- 'ଜନସାଧାରଣ ଆମକୁ ପ୍ରେମ ଦେଇଛନ୍ତି ଏବଂ ଏହା ଦାୟିତ୍ୱ ସହିତ ଆସେ। ଆମେ ଏହାକୁ କେବେ ହାଲୁକା ଭାବରେ ନେବା ଉଚିତ୍ ନୁହେଁ। ଆମେ ସେମାନଙ୍କୁ ଭଲ ଫିଲ୍ମ ଦେଖାଇବାକୁ ପଡ଼ିବ। ମୋ କହିବା କଥା ଆମେ ସମସ୍ତେ ଏକାଠି ହୋଇ ପରିଶ୍ରମ କରିବା। ତାହା ହିଁ ମୋର କହିବାର ତାତ୍ପର୍ଯ୍ୟ ଥିଲା। ଏବେ ସବୁକିଛି ଠିକ୍ ଅଛି।ଆମକୁ କେବଳ କିଛି ସୁଧାରର ଆବଶ୍ୟକ ଥିଲା। ଏଥିରେ ଜଡିତ  ପ୍ରିୟଦର୍ଶନ, ଅକ୍ଷୟ ଏବଂ ସୁନୀଲ ସମସ୍ତେ ଦୀର୍ଘ ସମୟ ଧରି ମୋର ବନ୍ଧୁ ଅଛନ୍ତି।'

ଚଳିତ ବର୍ଷ ମେ ମାସରେ ପରେଶ ରାୱଲ 'ହେରା ଫେରି ୩'ରୁ ଓହରି ଯାଇଥିଲେ। ଏହା ମଧ୍ୟ ଖବର ଆସିଥିଲା ଯେ ଅଭିନେତା ତାଙ୍କର ସାଇନ କରିଥିବା ରାଶିର ୧୫ପ୍ରତିଶତ ସୁଧ ସହିତ ୧୧ ଲକ୍ଷ ଟଙ୍କା ଫେରାଇ ଦେଇଛନ୍ତି। ଏହା ପରେ ଅକ୍ଷୟ କୁମାର ପରେଶ ରାଓ୍ଵଲଙ୍କ ବିରୋଧରେ ଚୁକ୍ତି ଉଲ୍ଲଂଘନର ମାମଲା ଦାୟର କରିଥିଲେ। ପ୍ରଶଂସକଙ୍କଠାରୁ ଆରମ୍ଭ କରି ଅନେକ ସେଲିବ୍ରିଟି ପର୍ଯ୍ୟନ୍ତ, ପରେଶଙ୍କ 'ହେରା ଫେରି ୩'ରୁ ବାହାରିଯିବାକୁ ଗ୍ରହଣ କରି ପାରି ନ ଥିଲେ।