ଭୁବନେଶ୍ୱର: ସମ୍ଭାବ୍ୟ ସାମୁଦ୍ରିକ ଝଡ଼ ‘ଅର୍ଣ୍ଣବ’କୁ ଦୃଷ୍ଟିରେ ରଖି ରେଳବାଇ ପକ୍ଷରୁ ବ୍ୟାପକ ସୁରକ୍ଷାମୂଳକ ପଦକ୍ଷେପ ଗ୍ରହଣ କରାଯାଇଛି। ଯାତ୍ରୀମାନଙ୍କ ନିରାପତ୍ତାକୁ ପ୍ରାଥମିକତା ଦେଇ ପୂର୍ବତଟ ରେଳପଥ ଏବଂ ପଡ଼ୋଶୀ ରେଳ ମଣ୍ଡଳ ଅଧୀନରେ ଚାଲୁଥିବା ଏକାଧିକ ଏକ୍ସପ୍ରେସ୍ ଓ ପାସେଞ୍ଜର୍ ଟ୍ରେନ୍ ଚଳାଚଳରେ ପରିବର୍ତ୍ତନ କରାଯାଇଛି। ଆସନ୍ତା ଅକ୍ଟୋବର ୨୭ରୁ ନଭେମ୍ବର ୫ ତାରିଖ ମଧ୍ୟରେ ଭୁବନେଶ୍ୱର, ହାୱଡ଼ା, ବିଶାଖାପାଟଣା, ରାଉରକେଲା, ଜଗଦଲପୁର ଓ କୋରାପୁଟ ଆଦି ପ୍ରମୁଖ ରୁଟ୍‌ରେ ଅନେକ ଟ୍ରେନ୍ ବାତିଲ୍ କରାଯାଇଥିବା ବେଳେ କେତେକ ଟ୍ରେନ୍‌ର ଯାତ୍ରା ସୀମିତ କରାଯାଇଛି।

ବାତିଲ୍ ହୋଇଥିବା ପ୍ରମୁଖ ଟ୍ରେନ୍‌ଗୁଡ଼ିକର ତାଲିକା

ଅକ୍ଟୋବର ୨୯ରୁ ନଭେମ୍ବର ୪/୫ ପର୍ଯ୍ୟନ୍ତ

୧୮୫୧୫/୧୮୫୧୬ ବିଶାଖାପାଟଣା–କିରଣ୍ଡୁଲ–ବିଶାଖାପାଟଣା ଏକ୍ସପ୍ରେସ୍ (୨୯ ଅକ୍ଟୋବରରୁ ୪ ନଭେମ୍ବର)

୧୮୧୦୭ ରାଉରକେଲା–ଜଗଦଲପୁର ଇଣ୍ଟରସିଟି (୨୯ ଅକ୍ଟୋବରରୁ ୪ ନଭେମ୍ବର)

୧୮୧୦୮ ଜଗଦଲପୁର–ରାଉରକେଲା ଇଣ୍ଟରସିଟି (୩୦ ଅକ୍ଟୋବରରୁ ୫ ନଭେମ୍ବର)

ଅକ୍ଟୋବର ୨୭ରୁ ୩୧ ମଧ୍ୟରେ

୧୮୦୦୫/୧୮୦୦୬ ହାୱଡ଼ା–ଜଗଦଲପୁର–ହାୱଡ଼ା ସମଲେଶ୍ୱରୀ ଏକ୍ସପ୍ରେସ୍ (୨୭ରୁ ୩୧ ଅକ୍ଟୋବର)

୫୮୫୩୮/୫୮୫୩୭ ବିଶାଖାପାଟଣା–କୋରାପୁଟ–ବିଶାଖାପାଟଣା ପାସେଞ୍ଜର୍ (୨୭ରୁ ୩୧ ଅକ୍ଟୋବର)

୫୮୫୦୧/୫୮୫୦୨ ବିଶାଖାପାଟଣା–କିରଣ୍ଡୁଲ–ବିଶାଖାପାଟଣା ପାସେଞ୍ଜର୍ (୨୭ରୁ ୩୦ ଅକ୍ଟୋବର)

୧୮୫୧୨ ବିଶାଖାପାଟଣା–କୋରାପୁଟ ଏକ୍ସପ୍ରେସ୍ (୩୦ ଅକ୍ଟୋବର)

୧୮୫୧୧ କୋରାପୁଟ–ବିଶାଖାପାଟଣା ଏକ୍ସପ୍ରେସ୍ (୩୧ ଅକ୍ଟୋବର)

ଦୂରଗାମୀ ଓ ଅନ୍ୟାନ୍ୟ ଏକ୍ସପ୍ରେସ୍ ଟ୍ରେନ୍

୧୨୭୦୪ ସିକନ୍ଦରାବାଦ–ହାୱଡ଼ା ଫାଲକନୁମା (୨୭ ଅକ୍ଟୋବର) ଓ ୧୨୭୦୩ ହାୱଡ଼ା–ସିକନ୍ଦରାବାଦ ଫାଲକନୁମା (୨୯ ଅକ୍ଟୋବର)

୧୭୦୧୬ ସିକନ୍ଦରାବାଦ–ଭୁବନେଶ୍ୱର ନୂଆ ବିଶାଖା (୨୭ ଅକ୍ଟୋବର) ଓ ୧୭୦୧୫ ଭୁବନେଶ୍ୱର ନୂଆ–ସିକନ୍ଦରାବାଦ ବିଶାଖା (୨୯ ଅକ୍ଟୋବର)

୨୦୮୧୦ ନାନ୍ଦେଡ୍–ସମ୍ବଲପୁର ନାଗାବଳୀ (୨୭ ଅକ୍ଟୋବର) ଓ ୨୦୮୦୯ ସମ୍ବଲପୁର–ନାନ୍ଦେଡ୍ ନାଗାବଳୀ (୩୦ ଅକ୍ଟୋବର)

୨୨୮୮୨ ଭୁବନେଶ୍ୱର–ପୁଣେ (୨୭ ଅକ୍ଟୋବର) ଓ ୨୨୮୮୧ ପୁଣେ–ଭୁବନେଶ୍ୱର (୨୯ ଅକ୍ଟୋବର)

୧୭୨୪୩ ଗୁଣ୍ଟୁର–ରାୟଗଡ଼ା (୨୭ ଅକ୍ଟୋବର) ଓ ୧୭୨୪୪ ରାୟଗଡ଼ା–ଗୁଣ୍ଟୁର (୨୮ ଅକ୍ଟୋବର)

ହୀରାଖଣ୍ଡ ଏକ୍ସପ୍ରେସ୍‌ର ଆଂଶିକ ଚଳାଚଳ (Short Termination/Origination)

ବାତ୍ୟା ସ୍ଥିତିକୁ ଦୃଷ୍ଟିରେ ରଖି ହୀରାଖଣ୍ଡ ଏକ୍ସପ୍ରେସ୍‌ର ଚଳାଚଳକୁ ସୀମିତ କରାଯାଇଛି

୧୮୪୪୭ ଭୁବନେଶ୍ୱର–ଜଗଦଲପୁର ହୀରାଖଣ୍ଡ ଏକ୍ସପ୍ରେସ୍: ଅକ୍ଟୋବର ୨୭ରୁ ୩୦ ତାରିଖ ପର୍ଯ୍ୟନ୍ତ ଜଗଦଲପୁର ପରିବର୍ତ୍ତେ ରାୟଗଡ଼ା ଷ୍ଟେସନ୍‌ରେ ଯାତ୍ରା ଶେଷ କରିବ।

୧୮୪୪୮ ଜଗଦଲପୁର–ଭୁବନେଶ୍ୱର ହୀରାଖଣ୍ଡ ଏକ୍ସପ୍ରେସ୍: ଅକ୍ଟୋବର ୨୮ରୁ ୩୧ ତାରିଖ ପର୍ଯ୍ୟନ୍ତ ଜଗଦଲପୁର ବଦଳରେ ରାୟଗଡ଼ାରୁ ନିଜର ଫେରନ୍ତା ଯାତ୍ରା ଆରମ୍ଭ କରିବ।

ଯାତ୍ରୀଙ୍କ ପାଇଁ ରେଳବାଇର ସୂଚନା

ବାତ୍ୟା ଯୋଗୁଁ ଟ୍ରେନ୍ ସୂଚୀରେ ବ୍ୟାପକ ପରିବର୍ତ୍ତନ କରାଯାଇଥିବାରୁ ଯାତ୍ରୀମାନେ ଘରୁ ବାହାରିବା ପୂର୍ବରୁ ସେମାନଙ୍କ ଟ୍ରେନ୍‌ର ସ୍ଥିତି ଯାଞ୍ଚ କରିବାକୁ ଅନୁରୋଧ କରାଯାଇଛି। ଟ୍ରେନ୍ ଚଳାଚଳ ସମ୍ପର୍କିତ ସଦ୍ୟତମ ତଥ୍ୟ ପାଇଁ ଜାତୀୟ ଟ୍ରେନ୍ ଅନୁସନ୍ଧାନ ପ୍ରଣାଳୀ (NTES) ଆପ୍ କିମ୍ବା ଭାରତୀୟ ରେଳପଥର ଅଧିକୃତ ୱେବସାଇଟ୍‌ର ସହାୟତା ନେବାକୁ ପରାମର୍ଶ ଦିଆଯାଇଛି।