ଭାରତୀୟ ସିନେମା ଇତିହାସରେ ସବୁଠାରୁ ପ୍ରତୀକ୍ଷିତ ଫିଲ୍ମ ‘ରାମାୟଣ’କୁ ନେଇ ଦର୍ଶକଙ୍କ ଉତ୍ସାହ ଏବେ ନିଜର ଚରମ ସୀମାରେ ପହଞ୍ଚିସାରିଛି। ନିତେଶ ତିୱାରୀଙ୍କ ନିର୍ଦ୍ଦେଶନା ଏବଂ ନମିତ୍ ମାଲହୋତ୍ରା ଓ ୟଶଙ୍କ ନିର୍ମାଣରେ ପ୍ରସ୍ତୁତ ଏହି ଧାର୍ମିକ ମହାଗାଥାର ଆଡଭାନ୍ସ ବୁକିଂ ଶେଷରେ ଭାରତ ସମେତ ସାରା ବିଶ୍ୱର ଥିଏଟରଗୁଡ଼ିକରେ ଆରମ୍ଭ ହୋଇଯାଇଛି। ଆଡଭାନ୍ସ ବୁକିଂ ୱିଣ୍ଡୋ ଖୋଲିବା ମାତ୍ରେ  ଦର୍ଶକଙ୍କ ଏପରି ସୁଅ ଛୁଟିଲା ଯେ ମାତ୍ର କିଛି ଘଣ୍ଟା ମଧ୍ୟରେ ଫିଲ୍ମଟି ରୋଜଗାରର ନୂଆ ରେକର୍ଡ ଗଢ଼ିବା ଆରମ୍ଭ କରିଦେଇଛି।

ଟ୍ରେଡ୍ ଟ୍ରାକର୍ 'ସୈକନିଲ୍କ'ତଥ୍ୟ ଅନୁଯାୟୀ, ଫିଲ୍ମ ‘ରାମାୟଣ’ ସାରା ଭାରତର ଥିଏଟରଗୁଡ଼ିକରେ ଏପର୍ଯ୍ୟନ୍ତ ୮୩,୪୧୨ ରୁ ଅଧିକ ଟିକେଟ୍ ବିକ୍ରି କରିସାରିଛି। ଦେଶସାରା ୩,୪୯୨ଟି ଶୋ’ ଜରିଆରେ ଫିଲ୍ମଟି ରିଲିଜ୍ର ବହୁ ପୂର୍ବରୁ ହିଁ ୪.୭୮ କୋଟି ଟଙ୍କାର ଗ୍ରସ୍ ଆଡଭାନ୍ସ କଲେକ୍ସନ୍ ରେକର୍ଡ କରିସାରିଛି। ଘରୋଇ ବଜାରରେ ସବୁଠାରୁ ଅଧିକ ଚାହିଦା ଏହାର ହିନ୍ଦୀ ଭାଷା ସଂସ୍କରଣରେ ଦେଖିବାକୁ ମିଳୁଛି, ଯାହା ମୋଟ ଆଡଭାନ୍ସ ବୁକିଂର ପ୍ରାୟ ୯୫% ଅଂଶ ଏକାକୀ ସମ୍ଭାଳିଛି। ସହରଗୁଡ଼ିକ ହିସାବରେ ଦେଖିଲେ ଦିଲ୍ଲୀ-ଏନ୍ସିଆର୍ (NCR) ମାର୍କେଟ୍ ସବୁଠାରୁ ଆଗରେ ଚାଲୁଛି, ଯାହା ପରେ ମୁମ୍ବାଇର ନମ୍ବର ଆସୁଛି। ଏହା ବ୍ୟତୀତ ପୁଣେ, କୋଲକାତା ଏବଂ ବେଙ୍ଗାଲୁରୁରେ ମଧ୍ୟ ପ୍ରାରମ୍ଭିକ ଟିକେଟ୍ ବିକ୍ରିର ବେଗ ବେଶ୍ ଦ୍ରୁତ ରହିଛି।

ଗ୍ଲୋବାଲ୍ ବକ୍ସ ଅଫିସରେ ମଧ୍ୟ ‘ରାମାୟଣ’ର ଦବଦବା

କେବଳ ଦେଶରେ ନୁହେଁ, ବରଂ ବିଦେଶ ମାଟିରେ ମଧ୍ୟ ରଣବୀର କପୁର ଏବଂ ୟଙ୍କ ଯାଦୁ କାମ କରୁଥିବା ଲାଗୁଛି । ଆନ୍ତର୍ଜାତୀୟ ମିଡିଆ ରିପୋର୍ଟ ଅନୁଯାୟୀ, ଚାରୋଟି ପ୍ରମୁଖ ଓଭରସିଜ୍ ମାର୍କେଟ୍ରେ ଫିଲ୍ମର ଆଡଭାନ୍ସ ବୁକିଂ ପୂର୍ବରୁ ହିଁ ୧.୩ ମିଲିଅନ୍ ଡଲାର (ପ୍ରାୟ ୧୨.୩ କୋଟି ଟଙ୍କା) ଆଙ୍କଡ଼ା ଅତିକ୍ରମ କରିସାରିଛି। ବିଦେଶରେ ଏପର୍ଯ୍ୟନ୍ତ ୮୭,୦୦୦ ରୁ ଅଧିକ ଟିକେଟ୍ ବୁକ୍ କରାଯାଇସାରିଛି, ଯେଉଁଥିରୁ ଏହା ସ୍ପଷ୍ଟ ହେଉଛି ଯେ ଏହି ଫିଲ୍ମ କେବଳ ଭାରତ ନୁହେଁ, ବରଂ ଗ୍ଲୋବାଲ୍ ବକ୍ସ ଅଫିସ୍ରେ ମଧ୍ୟ ଐତିହାସିକ ସଫଳତା ରେକର୍ଡ କରିବା ଆଡ଼କୁ ଅଗ୍ରସର ହେଉଛି।

ମୁମ୍ବାଇର ଗୋରେଗାଁଓରେ ସକାଳ ୬ଟାର ଶୋ’

ଦର୍ଶକଙ୍କ ପ୍ରବଳ ଚାହିଦା ଏବଂ ଜବରଦସ୍ତ କ୍ରେଜ୍କୁ ଦୃଷ୍ଟିରେ ରଖି ଥିଏଟର ମାଲିକମାନେ ମଧ୍ୟ ନିଜକୁ ପ୍ରସ୍ତୁତ କରୁଛନ୍ତି। ବୁକ୍ମାଇସୋର ତାଜା ଲିଷ୍ଟିଂ ଅନୁଯାୟୀ, ମୁମ୍ବାଇର ଗୋରେଗାଁଓସ୍ଥିତ ମିରାଜ୍ ସିନେମାସ୍ ଫିଲ୍ମ ‘ରାମାୟଣ ପାର୍ଟ ୧’ ପାଇଁ ସକାଳ ୬ଟାର ଅର୍ଲି-ମୋର୍ନିଂ ଶୋ’ ସେଡ୍ୟୁଲ୍ କରିଦେଇଛି। ଏହା ବ୍ୟତୀତ, ୱାର୍କିଂ ପ୍ରୋଫେସନାଲ୍ସ ଏବଂ ଯୁବବର୍ଗଙ୍କ ପାଇଁ ବିଳମ୍ବିତ ରାତିର ଶୋ’ଗୁଡ଼ିକ ମଧ୍ୟ ଲିଷ୍ଟ୍ କରାଯାଇଛି। ଅନେକ ମଲ୍ଟିପ୍ଲେକ୍ସରେ ରାତି ୧୧:୫୯ (ମିଡ୍ନାଇଟ୍ ଶୋ’) ର ବୁକିଂ ମଧ୍ୟ ଆରମ୍ଭ ହୋଇସାରିଛି, ଯାହାଦ୍ୱାରା ଦର୍ଶକ ନିଜ ସୁବିଧା ହିସାବରେ ସକାଳର ଆରମ୍ଭ କିମ୍ବା ରାତି ଶୋ’ର ବିକଳ୍ପ ବାଛିପାରିବେ।

ଷ୍ଟାର୍ କାଷ୍ଟ୍ ଏବଂ ରିଲିଜ୍ ପ୍ଲାନ୍

ଦୁଇଟି ଭାଗରେ ନିର୍ମିତ ହେବାକୁ ଥିବା ଏହି ମହାଗାଥାରେ ରଣବୀର କପୁର ପ୍ରଭୁ ଶ୍ରୀରାମ, ସାଇ ପଲ୍ଲବୀ ମାତା ସୀତା ଏବଂ ୟଶ୍ ଲଙ୍କାପତି ରାବଣଙ୍କ ମୁଖ୍ୟ ଅବତାରରେ ନଜର ଆସିବେ। ଏମାନଙ୍କ ବ୍ୟତୀତ ସନି ଦେଓଲ ଭଗବାନ ହନୁମାନ ଏବଂ ରବି ଦୁବେ ଲକ୍ଷ୍ମଣଙ୍କ ଗୁରୁତ୍ୱପୂର୍ଣ୍ଣ ଭୂମିକାରେ ଅଛନ୍ତି। ନମିତ୍ ମାଲହୋତ୍ରାଙ୍କ ପ୍ରାଇମ୍ ଫୋକସ୍ ଏବଂ ଭିଏଫ୍ଏକ୍ସ (VFX) ର ଯାଦୁକରୀ ଦୁନିଆରେ ସଜେଇ ହୋଇଥିବା ଏହି ଫିଲ୍ମ ୫ ନଭେମ୍ବର ୨୦୨୬ ରେ ସାରା ବିଶ୍ୱର ସିନେମାଘରଗୁଡ଼ିକରେ ରିଲିଜ୍ ହେବାକୁ ଯାଉଛି, ଯେଉଁଠାରେ କି ଏହାର ଦ୍ୱିତୀୟ ଭାଗ (Part 2) ଦୀପାବଳି ୨୦୨୭ ଅବସରରେ ରିଲିଜ୍ କରିବାକୁ ଯୋଜନା ରହିଛି।