ଭୁୁବନେଶ୍ୱର: ଓଡିଶା ଗସ୍ତରେ ଆସିବେ ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହ । ସେ ଦୁଇ ଦିନିଆ ଓଡିଶା ଗସ୍ତରେ ଆସିବେ ବୋଲି ଗୁରୁବାର ଗଣମାଧ୍ୟମକୁ ସୂଚନା ଦେଇଛନ୍ତି ରାଜ୍ୟ ବିଜେପି ସଭାପତି ମନମୋହନ ସାମଲ । ୨୮, ୨୯ ଓ ୩୦ ଏହି ତିନି ଦିନ ଭିତରୁ ଦୁଇ ଦିନ ଓଡିଶା ଗସ୍ତରେ ଆସିବେ । 

ରାଜ୍ୟ ସଭାପତି କହିଛନ୍ତି ଅମିତ ଶାହ ଭୁବନେଶ୍ୱରରେ ବିଧାୟକଙ୍କ ଟ୍ରେନିଂ କାର୍ଯ୍ୟକ୍ରମରେ ଯୋଗ ଦେବେ । ଶାହଙ୍କ ଗସ୍ତକୁ ନେଇ ରାଜ୍ୟ ବିଜେପି ଶିବିର ଉତ୍ସାହିତ ହୋଇ ଉଠିଛି । ଟ୍ରେନିଂ କାର୍ଯ୍ୟକ୍ରମରେ ଶାହ ବିଧାୟକଙ୍କୁ ପରାମର୍ଶ ଓ ଉପଦେଶ ଦେବେ । ଏଥିପାଇଁ ଶାହ ଦୁଇ ଦିନ ଓଡିଶାରେ ରହିବେ । 

ସୂଚନାଯୋଗ୍ୟ, ଏହା ପୂର୍ବରୁ ନଭେମ୍ବର ମାସରେ ତିନି ଦିନିଆ ଓଡିଶା ଗସ୍ତରେ ଆସିଥିଲେ ଅମିତ ଶାହ । ରାଜଧାନୀରେ ଆୟୋଜିତ ଡିଜିପି ସମ୍ମିଳନୀରେ ସାମିଲ ହୋଇଥଲେ । ତାଙ୍କ ସହ  ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ଯୋଗ ଦେଇଥିଲେ ।