ରାୟଗଡା: ଚାଷ ଜମିରୁ ଜଣେ ବ୍ୟକ୍ତିଙ୍କ ମୃତଦେହ ଉଦ୍ଧାର। ତେବେ ଅଭାବଳି ଅଭାବନୀୟ ଘଟଣା ରାୟଗଡା ଜିଲ୍ଲା ପୁଟାସିଂ ଥାନା ରେଗେଇସିଂ ଗାଁରେ ଘଟିଛି। ମୃତ ବ୍ୟକ୍ତି ଜଣଙ୍କ ରେଗେଇସିଂ ଗାଁର ହେଲେ ଡାନିଏଲ ଶବର ବୋଲି ଜଣାପଡିଛି। ଖବର ପାଇ ପୋଲିସ ଘଟଣାସ୍ଥଳରେ ପହଂଚି ମୃତଦେହ ଉଦ୍ଧାର କରି ଶବ ବ୍ୟବଚ୍ଛେଦ ପାଇଁ ପଠାଇଛନ୍ତି। 

ସୂଚନା ଅନୁସାରେ , ଗୁରୁବାର ସକାଳୁ ସକାଳୁ ଡାନିଏଲ ଲଙ୍କା ତୋଳିବା ପାଇଁ ନିଜ ଜମିକୁ ଯାଇଥିଲେ। ହେଲେ ବୋହୁ ସମୟ ଧରି ଘରକୁ ଫେରିନଥିଲେ। ତେଣୁ ଘର ଲୋକ ଖୋଜା ଖୋଜି କରିବାରୁ ଜମିରେ ଡାନିଏଲଙ୍କ ମୃତଦେହ ପଡିଥିବା ଦେଖିବାକୁ ପାଇଥିଲେ। ଡାନିଏଲଙ୍କ ଗଳା ଓ ଗୋଡ଼ରେ ଧାରୁଆ ଅସ୍ତ୍ରରେ ଆକ୍ରମଣ କରାଯାଇଥିବା ଦେଖିବାକୁ ମିଳିଛି। ତେଣୁ ତାଙ୍କୁ କେହି ହତ୍ୟା କରିଥିବାର ପରିବାର ପକ୍ଷରୁ ପୁଟାସିଂ ଥାନାରେ ଲିଖିତ ଅଭିଯୋଗ କରାଯାଇଛି। ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ତଦନ୍ତ ଜାରି ରଖିଛି।