ବରକୁ ଅଧା ରାସ୍ତାରେ ଉଠାଇ ନେଲା ପୋଲିସ । ପ୍ରେମିକାକୁ ଧୋକା ଦେବା ପଡିଲା ମହଙ୍ଗା । ପ୍ରେମିକାକୁ ଧୋକା ଦେଇ ଅନ୍ୟତ୍ର ବିବାହ କରିବାକୁ ଯିବା ବାଟରେ ବରକୁ ଉଠାଇନେଲା ପୋଲିସ ।ଏହି ଭଳି ଗୋଟିଏ ରୋଚକ ଦୃଶ୍ୟ ଦେଖିବାକୁ ମିଳିଥିଲା ସମ୍ବଲପୁର ଜିଲ୍ଲା ବାମରା ଠାରେ । ଏହି ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି। ଗିରଫ ଅଭିଯୁକ୍ତ ବାମରା ଗୋବିନ୍ଦପୁର ଖୋକୋପଡ଼ାର ବିଷ୍ଣୁ ପିଙ୍ଗ । 

ଅଭିଯୋଗ ଅନୁସାରେ, ବିଷ୍ଣୁ ୭ବର୍ଷ ତଳେ ଧରୁଆଡିହି ଅଞ୍ଚଳର ଜଣେ ଯୁବତୀଙ୍କୁ ବିବାହର ପ୍ରତିଶ୍ରୁତି ଦେଇ ଶାରିରୀକ ସଂପର୍କ ରଖିଥିଲେ। ତେବେ ଯୁବତୀ ଜଣକ ଗର୍ଭବତୀ ହେବା ପରେ, ବିଷ୍ଣୁ କାହାକୁ କିଛି ନଜଣାଇ ଚେନ୍ନାଇ ପଳାଇଥିଲେ। ଏହାପରେ ଯୁବତୀଙ୍କ ସହ କୌଣସି ଯୋଗାଯୋଗ ରଖିନଥିଲେ। ସେତେବେଳେ ତାଙ୍କର ପୁଅଟିଏ ହୋଇଥିଲା ଏବଂ ପିଲାଟିକୁ ଏବେ ୫ ବର୍ଷ ହେଲାଣି ।

୫ ବର୍ଷ ଚେନ୍ନାଇରେ ରହିବା ପରେ ସପ୍ତାହେ ତଳେ ଗାଁକୁ ଫେରିଥିଲେ ବିଷ୍ଣୁ । ଧରୁଆଡିହି ବସ୍ତିର ତାଙ୍କ ମାମୁ ଝିଅକୁ ବିବାହ କରିବାକୁ ସ୍ଥିର କରିଥିଲେ। କୌଣସି ସୂତ୍ରରୁ ତାଙ୍କ ପ୍ରେମିକା ଏହି ଖବର ପାଇ ପ୍ରଥମେ ଗୋବିନ୍ଦପୁର ଓ ପରେ ଧରୁଆଡିହି ଥାନାରେ ଅଭିଯୋଗ କରିଥିଲେ। ଏହାପରେ ବିଷ୍ଣୁ ବରବେଶରେ କନିଆ ଘର ଅଭିମୁଖେ ବରଯାତ୍ରୀ ସହ ବାହାରିଥିବା ବେଳେ, ତାଙ୍କୁ ଅଧାବାଟରୁ ଉଠାଇନେଇଛି ପୋଲିସ। ତାଙ୍କୁ ଥାନାରେ ଅଟକ ରଖି ପଚରାଉଚରା କରାଯାଉଛି।

ଅଧିକ ପଢନ୍ତୁ:ଦୀର୍ଘ ୧୬ ବର୍ଷ ପରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ହାତରେ ଟ୍ରଫି