ବାଣ ଦୋକାନରେ ଅଗ୍ନିକାଣ୍ଡ । ଅଳ୍ପକେ ବଞ୍ଚିଗଲେ ୪ ଜଣ ବ୍ୟକ୍ତି । ଏଭଳି ଏକ ଅଭାବନୀୟ ଘଟଣା ପାରାଦୀପ ଲକ୍ ଥାନା ଅଧୀନସ୍ଥ ନୂଆଗଡ ଗାଁରେ ଘଟିଛି । ଶୋଇଥିବା ସମୟରେ ବାଣ ଦୋକାନରେ ନିଆଁ ଲାଗିଗଲା । ଆଉ ହୁତୁହୁତୁ ହୋଇ ଲକ୍ଷାଧିକ ଟଙ୍କାର ବାଣ ଜଳିଯାଇଥିଲା । କିନ୍ତୁ ଦୋକାନରେ ଶୋଇଥିବା ୪ ଜଣ ବ୍ୟକ୍ତି ଅଳ୍ପକେ ବର୍ତ୍ତିଯାଇଥିଲେ । ଆଜି ସକାଳ ୫. ୩୦ବେଳେ ବାଣ ଷ୍ଟଲରେ ନିଆଁ ଲାଗିଥିଲା । ଫଳରେ ସବୁ ବାଣ ଫୁଟି ଛିଟିକି ହୋଇ ପଡିଥିଲା । ଏତେ ବଡ଼ ଅଘଟଣରେ କାହାର କିଛି କ୍ଷତି ହୋଇନଥିବାର ଖବର ମିଳିଛି । ଏତେ ବଡ଼ ବିସ୍ପୋରଣ ରେ ସ୍ଥାନୀୟ ଅଞ୍ଚଳରେ ଏକ ଚହଳ ପରିସ୍ଥିତି ସୃଷ୍ଟି ହୋଇଛି । ଘଟଣାସ୍ଥଳରେ ଅଗ୍ନିଶମ ବାହିନୀ ଓ ସ୍ଥାନୀୟ ଲୋକେ ପହଞ୍ଚି ନିଆଁକୁ ଆୟତ୍ତ କରିଥିଲେ । ତେବେ ଏହି ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର ବାଣ ପୋଡି ନଷ୍ଟ ହୋଇଯାଇଛି । ତେବେ କେଉଁ କାରଣ ପାଇଁ ନିଆଁ ଲାଗିଲା ସେ କାରଣ ଏପର୍ଯ୍ୟନ୍ତ ଅସ୍ପଷ୍ଟ ରହିଛି । 

ଆଗକୁ ପଢନ୍ତୁ :- କାଳୀପୂଜାପାଇଁ ଚଳଚଞ୍ଚଳ ହୋଇପଡିଛି ଭଦ୍ରକ ସହର