ବିଦ୍ୟୁତ୍ ଆଘାତରେ ଦନ୍ତା ହାତୀ ମୃତ । ଏହି ଘଟଣାରେ ପୋଲିସ ୫ ଜଣଙ୍କୁ ଗିରଫ କରିଛି । ସୂଚନା ଅନୁସାରେ , କେନ୍ଦୁଝର ଜିଲ୍ଲା ତେଲକୋଇ ରେଞ୍ଜ ସଲେଇକେନାରେ  ଏକ ଦନ୍ତା ହାତୀର ମୃତଦେହକୁ ଉଦ୍ଧାର କରାଯାଇଛି । ଘଟଣାସ୍ଥଳରେ ବନ ବିଭାଗର ଅଧିକାରୀମାନେ ପହଞ୍ଚି ମୃତ ହାତୀଟିକୁ ଉଦ୍ଧାର କରିଥିଲେ । ବନ ବିଭାଗ ଇଲେକ୍ଟ୍ରି ତାର ଓ ଖାଲି ବୋତଲ ଜବତ କରିଛି । ବେଆଇନ ଜମିରେ ବାରହା ଶିକାର ପାଇଁ ବିଛା ଯାଇଥିବା ତାରର ସଂସ୍ପର୍ଶରେ ଆସି ଦନ୍ତା ହାତୀଟିର ମୃତ୍ୟୁ ହୋଇଛି । ଏହି ଘଟଣାରେ ୫ ଅଭିଯୁକ୍ତଙ୍କୁ ଗିରଫ କରାଯାଇଛି । ଆଜି ଗିରଫ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯିବ । ୫ ଅଭିଯୁକ୍ତ ନିଜ ନିଜ ଦୋଷ ସ୍ୱୀକାର କରିଛନ୍ତି । ଭୁବନେଶ୍ବରରୁ ଯାଇଥିବା ଏକ ଜଏଣ୍ଟ ଟାସ୍କ ଫୋର୍ସ ଟିମ୍ ମୃତଦେହକୁ ଯାଞ୍ଚ କରିଥିଲା । ବିଦ୍ୟୁତ ଆଘାତ ଯୋଗୁ ହାତୀଟିର ମୃତ୍ୟୁ ହୋଇଛି ବୋଲି ଟାସ୍କ ଫୋର୍ସ ନିଶ୍ଚିତ କରିଛି । ମୃତ ଦନ୍ତାହାତୀର ବୟସ ୪୦ ବର୍ଷ ହେବ ବୋଲି ଅନୁମାନ କରାଯାଉଛି ।

ଆଗକୁ ପଢନ୍ତୁ :- ବାଣ ଦୋକାନରେ ଅଗ୍ନିକାଣ୍ଡ , ଅଳ୍ପକେ ବଞ୍ଚିଗଲେ ୪ ଜଣ ବ୍ୟକ୍ତି