ବାରିପଦା: ମୟୁରଭଞ୍ଜ ଜିଲ୍ଲା ତିରିଂ ଏବଂ ବହଳଦା ଥାନା ଅଞ୍ଚଳରେ ପୃଥକ ପୃଥକ ସଡ଼କ ଦୁର୍ଘଟଣା ହୋଇଛି । ଗୋଟିଏ ଟ୍ରକ ଡ୍ରାଇଭରଙ୍କ ବେପରୁଆ ଗାଡ଼ି ଚାଳନା ଯୋଗୁଁ ୪ ଜଣଙ୍କର ମୃତ୍ୟୁ ହୋଇଥିବାବେଳେ ୩ ଜଣ ଗୁରୁତର ଅଛନ୍ତି । 

ତିରିଂ ଥାନା ଅନ୍ତର୍ଗତ ବଡ଼ଡ଼ାଳିମା ଛକ ନିକଟରେ ଏକ ଗୋଟିଏ ଟ୍ରକ୍ ସିରିଜ୍ ଦୁର୍ଘଟଣା ଘଟାଇଛି । ଟ୍ରକ୍ ପ୍ରଥମେ ତିରିଂରେ ୩ ଜଣଙ୍କୁ ଧକ୍କା ଦେଇଥିଲା । ଫଳରେ ଜଣଙ୍କର ମୃତ୍ୟୁ ହୋଇଥିବାବେଳେ ୨ ଜଣ ଗୁରୁତର ହୋଇପଡ଼ିଥିଲେ । ଟ୍ରକ୍ ଟି ସେହି ସ୍ଥାନରୁ ଖସି ପଳାଇବାବେ ସକ୍ଷମ ହୋଇଥିଲା । ଟ୍ରକ୍ ଟି ପ୍ରାୟ ୫ କିଲୋମିଟର୍ ଦୂର ଯିବା ପରେ ବହଳଦା ଥାନା ବାଗଡେଗାଠାରେ ଏକ ଯାତ୍ରୀବାହୀ ଅଟୋକୁ ଧକ୍କା ଦେଇଥିବା ଜଣାପଡ଼ିଛି । ଫଳରେ ଅଟୋରେ ଥିବା ଦମ୍ପତିଙ୍କ ସହିତ ଚାଳକଙ୍କର ମୃତ୍ୟୁ ହୋଇଛି । 

ଟ୍ରକଟି ଧକ୍କା ଦେବା ପରେ ରାସ୍ତା କଡ଼କୁ ଓଲଟି ପଡ଼ିଥିଲା । ସେଠାରେ ଥିବା ସ୍ଥାନୀୟ ଲୋକ ଜଣକୁ କାବୁ କରିବାରେ ସଫଳ ହୋଇଛନ୍ତି । ପୁଲିସ ଦୁଇଟି ସ୍ଥାନରେ ପହଁଚି ମୃତ ଦେହକୁ ଜବତ କରିବା ସହିତ ତଦନ୍ତ ଆରମ୍ଭ କରିଛି ।