ମନମୁଣ୍ଡାରେ ୧୨ ଘଣ୍ଟିଆ ବନ୍ଦ ଡାକରା । NAC ମାନ୍ୟତା ଦାବିରେ ବୌଦ୍ଧ ଜିଲ୍ଲା ମନମୁଣ୍ଡାରେ ୧୨ ଘଣ୍ଟା ପାଇଁ ବନ୍ଦ ପାଳନ  କରାଯାଉଛି । ମନମୁଣ୍ଡା କ୍ରିୟାନୁଷ୍ଠାନ କମିଟି ପକ୍ଷରୁ ମନମୁଣ୍ଡା ବନ୍ଦ ପାଇଁ ଡାକରା ଦିଆଯାଇଛି । ରାଜ୍ୟ ସରକାର ୨୦ଟି ଜିଲ୍ଲାରେ ୩୪ ଟି ନୂଆ ବିଜ୍ଞାପିତ ଅଂଚଳ ଘୋଷଣା କରିଛନ୍ତି । ମୁଖ୍ୟମନ୍ତ୍ରୀଙ୍କ ଦ୍ୱାରା ଘୋଷଣା କରାଯାଇଥିବା ୩୪ ଟି ନୂଆ ବିଜ୍ଞାପିତ ଅଂଚଳ ମଧ୍ୟରେ ବୌଦ୍ଧ ଜିଲ୍ଲା ମନମୁଣ୍ଡା ସେଥିରୁ ବାଦ୍ ପଡିଛି । ଯାହାକୁ ନେଇ ମନମୁଣ୍ଡା ଅସନ୍ତୋଷ ପ୍ରକାଶ କରିଛନ୍ତି  ସେହିକାରଣରୁ ମନମୁଣ୍ଡାରେ ୧୨ ଘଣ୍ଟା ପାଇଁ ବନ୍ଦ ପାଳନ କରାଯାଉଛି ।  

ଅନ୍ୟପଟେ ବଲାଙ୍ଗିରଜିଲ୍ଲା ଲୋଇସିଂହା ବାଦ୍ ପଡ଼ିଥିବାରୁ  ଗତକାଲି ସେଠାରେ ୧୨ ଘଣ୍ଟିଆ ବନ୍ଦ ଡାକରା ଦିଆଯାଇଥିଲା । ଲୋଇସିଂହାକୁ ବିଜ୍ଞାପିତ ଅଂଚଳ ଘୋଷଣା ପାଇଁ ଦୀର୍ଘବର୍ଷ ଧରି ଆନ୍ଦୋଳନ କରାଯାଉଥିଲା । କିନ୍ତୁ ୩୪ ଟି ନୂଆ ବିଜ୍ଞାପିତ ଅଂଚଳରେ ତାହାର ନାମ ନଥିବାରୁ ୧୨ ଘଣ୍ଟିଆ ବନ୍ଦ ଡାକରା ଦିଆଯାଇଥିଲା । ତେବେ ମନମୁଣ୍ଡାରେ ଏହି ବନ୍ଦ ଡ଼ାକରାରେ ଦୋକାନ ବଜାର ଗାଡ଼ିଚଳାଚଳ ବନ୍ଦ ରହିଛି। ଆନ୍ଦୋଳକାରୀମାନେ ରାସ୍ତାରେ ପିକେଟିଂ କରି ବନ୍ଦ ପାଳନ କରିଛନ୍ତି। ଏଥିସହ ସ୍କୁଲ , କଲେଜ ଆଦି ବନ୍ଦ ରହିଛି ।

ଅଧିକ ପଢନ୍ତୁ :ଆଜି ୧୨ ଘଣ୍ଟିଆ ଲୋଇସିଂହା ବନ୍ଦ ଡାକରା