ନୂଆଦିଲ୍ଲୀ: ଆରକେ ପୁରମ ସେକ୍ଟର ସ୍ଥିତ ବିଶ୍ୱ ହିନ୍ଦୁ କାର୍ଯ୍ୟାଳୟ ପରିସରରେ ଭାରତୀୟ ଜନ ସେବା ସଂସ୍ଥାନ ପକ୍ଷରୁ ୧୦୮ ହନୁମାନ ଚାଳିସା ପରାୟଣ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି। ଶ୍ରୀ ଶ୍ରୀ ହନୁମାନ ଚାଳିଶା ପରାୟଣ ଏବଂ ହବନ କାର୍ଯ୍ୟକ୍ରମରେ ଅନେକ ସଂଖ୍ୟାରେ ଶ୍ରଦ୍ଧାଳୁ ସମ୍ମିଳିତ ହୋଇଥିଲେ। 

ଶ୍ରଦ୍ଧା ଏବଂ ନିଷ୍ଠାର ସହିତ ୧୦୮ ଥର ଶ୍ରୀ ହନୁମାନ ଚାଲିଶା ପଢିବା ସହିତ ଯଜ୍ଞର ମଧ୍ୟ ଆୟୋଜନ ହୋଇଥିଲା। କାର୍ଯ୍ୟକ୍ରମରେ ଅନେକ ସଂଖ୍ୟାରେ ପ୍ରବାସୀ ଓଡ଼ିଆ ଏବଂ ଦିଲ୍ଲୀ ପ୍ରାନ୍ତ, ଓଡ଼ିଶା ଏବଂ ଅନ୍ୟ ରାଜ୍ୟର କାର୍ଯ୍ୟକର୍ତ୍ତା ଯୋଗ ଦେଇଥିଲେ। 

ପ୍ରତିବର୍ଷ କାର୍ଯ୍ୟକ୍ରମରେ ଏକ ମୁଖ୍ୟ ବିନ୍ଦୁ ରହିଥାଏ । ଚଳିତବର୍ଷ ରାମ ମନ୍ଦିର ପରି ମଥୁରା କାଶୀରେ ମଧ୍ୟ ହିନ୍ଦୁ ମନ୍ଦିର ପ୍ରତିଷ୍ଠା ହେବା ସହିତ ନ୍ୟାୟ ମିଳୁ ବୋଲି ପ୍ରାର୍ଥନା କରିଥିଲେ। କେନ୍ଦ୍ରୀୟ ମନ୍ତ୍ରୀ ତଥା ଧର୍ମ ପ୍ରସାର ଅଖିଳ ଭାରତୀୟ ପ୍ରମୁଖ ସୁଧାଂଶୁ ମୋହନ ପଟ୍ଟନାୟକଙ୍କ ତତ୍ୱାବଧାନରେ କାର୍ଯ୍ୟକ୍ରମ ଆୟୋଜନ ହୋଇଥିଲା ।