୨୦୨୪ ଆଇପିଏଲର ଷଷ୍ଠ ମ୍ୟାଚ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଓ ପଞ୍ଜାବ କିଙ୍ଗ୍ସ ମଧ୍ୟରେ ଏମ ଚିନ୍ନସ୍ୱାମୀ ଷ୍ଟାଡିୟମ,  ବାଙ୍ଗାଲୋରରେ ଖେଳାଯିବ । ଦୁଇ ଦଳ ପୂର୍ବରୁ ଗୋଟିଏ ଲେଖାଏଁ ମ୍ୟାଚ ଖେଳିଥିବାବେଳେ ପଞ୍ଜାବ ଗୋଟିଏ ମ୍ୟାଚ ଜିତି ପଏଣ୍ଟସ ଟେବୁଲର ୩ୟ ସ୍ଥାନରେ ରହିଛି ଏବଂ ବାଙ୍ଗାଲୋର ଗୋଟିଏ ପରାଜୟ ସହ ପଏଣ୍ଟସ ଟେବୁଲର ୯ମ ସ୍ଥାନରେ ରହିଛି । ବାଙ୍ଗାଲୋର ନିଜ ଘରୋଇ ମୈଦାନରେ ଖେଳିବା ସହ ପ୍ରଥମ ବିଜୟ ହାସଲ କରିବାକୁ ଚେଷ୍ଟା କରିବ । ବାଙ୍ଗାଲୋରରେ ଛୋଟ ପଡିଆ ହେତୁ ବଡ ସ୍କୋର ପାଇଁ ଆଶା ରଖିଛନ୍ତି କ୍ରୀଡ଼ାପ୍ରେମୀ । ବାଙ୍ଗାଲୋରରେ ଅନେକ ସମୟରେ ୨୦୦ ରୁ ଅଧିକ ରନ ଦେଖିବାକୁ ମିଳିଥାଏ । ପ୍ରଥମ ମ୍ୟାଚରେ ବାଙ୍ଗାଲୋର ଚେନ୍ନାଇ ଠାରୁ ୬ ୱିକେଟ୍ ରେ ପରାସ୍ତ ହୋଇଥିଲା । ଅନ୍ୟପକ୍ଷରେ ପଞ୍ଜାବ ଦିଲ୍ଲୀକୁ ୪ ୱିକେଟ୍ ରେ ପରାସ୍ତ କରିଥିଲା । ଆଜି ଦୁଇ ଦଳ ମଧ୍ୟରେ ସନ୍ଧ୍ୟା ୭.୩୦ ରେ ମ୍ୟାଚ ଆରମ୍ଭ ହେବ । ସନ୍ଧ୍ୟା ୭ଟା ରେ ଟସ ପଡିବ । ଟସ ଜିତିବା ଦଳ ବୋଲିଂ କରିବାକୁ ନିଷ୍ପତି ନେବେ ବୋଲି ଆଶା କରାଯାଉଛି । 

ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ସମ୍ଭାବ୍ୟ ୧୧ : - ଫାଫ ଡୁ ପ୍ଲେସିସ(ଅଧିନାୟକ), ବିରାଟ କୋହଲି, ରଜତ ପାଟିଦାର, ଗ୍ଲେନ ମ୍ୟାକ୍ସୱେଲ, କ୍ୟାମେରାନ ଗ୍ରୀନ, ଦୀନେଶ କାର୍ତିକ, କର୍ଣ ଶର୍ମା, ଅଲଜାରି ଜୋସେଫ, ମୟଙ୍କ ଡଗର, ମହମ୍ମଦ ସିରଜ, ୟଶ ଦୟାଲ

ପଞ୍ଜାବ କିଙ୍ଗ୍ସ ସମ୍ଭାବ୍ୟ ୧୧ : - ଶିଖର ଧାୱନ, ଯନି ବେରଷ୍ଟୋ, ସାମ କରନ, ଲିଆମ ଲିବିଙ୍ଗଷ୍ଟନ, ଜୀତେଶ ଶର୍ମା, ଶଶାଙ୍କ ସିଂ, ହରପ୍ରିତ ବ୍ରାର, ହର୍ଶଲ ପଟେଲ, କଗିସୋ ରବାଡା, ରାହୁଲ ଚହର, ଅର୍ଶଦୀପ ସିଂ 

ଅଧିକ ପଢନ୍ତୁ : ଗୁଜୁରାଟରେ ହାରିଲା ହାର୍ଦ୍ଦିକଙ୍କ ମୁମ୍ବାଇ ଇଂଡିଆନ୍ସ