ମହିଳା ଏସିଆ କପ୍ ୨୦୨୪ ର ଦ୍ଵିତୀୟ ମ୍ୟାଚରେ ଭାରତ ପାକିସ୍ତାନ ବିପକ୍ଷରେ ଏକପାଖିଆ ବିଜୟ ହାସଲ କରିଛି। ଭାରତୀୟ ବୋଲରଙ୍କ ଚମତ୍କାର ପ୍ରଦର୍ଶନ ଫଳରେ ଭାରତ ଏକ ସହଜ ବିଜୟ ହାସଲ କରିଛି । ପାକିସ୍ତାନକୁ ଭାରତ ୧୦୮ ରନରେ ଅଲ ଆଉଟ କରିବା ସହ ୧୪.୧ ଓଭରରେ ନିର୍ଦ୍ଧାରିତ ଲକ୍ଷ୍ୟକୁ ହାସଲ କରିଛି ଏବଂ ଚଳିତ ଏସିଆ କପ୍ ରେ ପ୍ରଥମ ବିଜୟ ହାସଲ କରିଛି ।
ପାକିସ୍ତାନ ଟସ୍ ଜିତି ବୋଲିଂର ନିଷ୍ପତି ନେଇଥିବାବେଳେ ଭାରତୀୟ ବୋଲିଂ ଆଗରେ ଧରାଶାୟୀ ହୋଇଥିଲେ । ୧୯.୨ ଓଭରରେ ଅଲ ଆଉଟ ହୋଇଥିଲା ପାକିସ୍ତାନ । ରେଣୁକା ସିଂ, ପୂଜା ବସ୍ତ୍ରକାର ଓ ଶ୍ରେୟଙ୍କା ପାଟିଲ ୨ ଟି ଲେଖାଏଁ ୱିକେଟ୍ ନେଇଥିବାବେଳେ ଦୀପ୍ତି ଶର୍ମା ୩ ଟି ୱିକେଟ୍ ନେଇଥିଲେ । ପାକିସ୍ତାନ ପକ୍ଷରୁ ସିଦ୍ଧ୍ରା ଆମେନ୍ ସର୍ବାଧିକ ୨୫ ରନ ସଂଗ୍ରହ କରିଥିଲେ । ଟୁବା ହାସନ ଓ ଫତିମା ସନା ଉଭୟ ୨୨ ରନ ସଂଗ୍ରହ କରିଥିଲେ । ଏହା ସହ ଭାରତ ପାଇଁ ୧୦୯ ର ଲକ୍ଷ୍ୟ ରଖିଥିଲା ପାକିସ୍ତାନ ।
ଦ୍ଵିତୀୟ ଇନିଂସରେ ଭାରତୀୟ ଓପନର ଶେଫାଳି ବର୍ମା ଓ ସ୍ମୃତି ମନ୍ଧାନା ଭଲ ଆରମ୍ଭ କରିଥିଲେ । ସ୍ମୃତି ମନ୍ଧାନା ୩୧ ବଲରେ ୪୫ ରନ କରିଥିବାବେଳେ ସାୟେଦା ଅରୁବ ଶାହାଙ୍କ ଶିକାର ହୋଇଥିଲେ । ପରେ ପରେ ଶେଫାଳି ବର୍ମା ମଧ୍ୟ ୨୯ ବଲରେ ୪୦ ରନ କରି ନିଜ ୱିକେଟ୍ ହରାଇଥିଲେ । ଦୟାଲନ ହେମଲତା ୧୪ ରନରେ ୱିକେଟ୍ ହରାଇବା ପରେ ହର୍ମନପ୍ରୀତ ଓ ଯେମିମା ଅପରାଜିତ ରହି ଭାରତକୁ ବିଜୟ ଲକ୍ଷ୍ୟ ପାର କରାଇଥିଲେ ।