ନୂଆଦିଲ୍ଲୀ: କାକରୋଚ ଜନତା ପାର୍ଟି (CJP)ର ଆଗାମୀ ବିକ୍ଷୋଭ ପ୍ରଦର୍ଶନକୁ ଦୃଷ୍ଟିରେ ରଖି ରାଜଧାନୀ ନୂଆଦିଲ୍ଲୀରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି। ସୁରକ୍ଷା ପଦକ୍ଷେପ ସ୍ୱରୂପ ନୂଆଦିଲ୍ଲୀର ୪ କିଲୋମିଟର ପରିସର ମଧ୍ୟରେ ଅସ୍ଥାୟୀ ଭାବେ ଇଣ୍ଟରନେଟ୍ ସେବା ନିଲମ୍ବିତ କରିବାକୁ ନିର୍ଦ୍ଦେଶ ଦିଆଯାଇଛି। ଦିଲ୍ଲୀ ମେଟ୍ରୋର ୫୭ଟି ଷ୍ଟେସନ ବନ୍ଦ ରଖିବା ନିଷ୍ପତ୍ତି ପରେ ଏବେ ପ୍ରତିବାଦ ସ୍ଥଳର ଏକ ବଡ଼ ଅଞ୍ଚଳରେ ଇଣ୍ଟରନେଟ୍ ସେବା ଉପରେ କଟକଣା ଲଗାଯାଇଛି।
ସ୍ୱରାଷ୍ଟ୍ର ମନ୍ତ୍ରଣାଳୟ (MHA) ପକ୍ଷରୁ ଏହି ଇଣ୍ଟରନେଟ୍ ସେବା ବନ୍ଦ ନିଷ୍ପତ୍ତିକୁ ମଞ୍ଜୁରୀ ମିଳିଛି। ଜାରି ହୋଇଥିବା ଆଦେଶ ଅନୁଯାୟୀ, ଜନପଥ-କର୍ତ୍ତବ୍ୟ ପଥ ଛକର ଆଖପାଖ ୪ କିଲୋମିଟର ପରିଧି ମଧ୍ୟରେ ଶୁକ୍ରବାର ରାତି ୧୦ଟାରୁ ଶନିବାର ରାତି ୧୦ଟା ପର୍ଯ୍ୟନ୍ତ ମୋଟ ୨୪ ଘଣ୍ଟା ପାଇଁ ଇଣ୍ଟରନେଟ୍ ସେବା ସମ୍ପୂର୍ଣ୍ଣ ବନ୍ଦ ରହିବ।
ସେହିପରି ସିଜେପିର ଏହି ବିଶାଳ ଆନ୍ଦୋଳନକୁ ଆଖିଆଗରେ ରଖି ବ୍ୟବସାୟୀ ସଂଘ ପକ୍ଷରୁ ମଧ୍ୟ ଜରୁରୀ ପରାମର୍ଶାବଳୀ ଜାରି କରାଯାଇଛି। ନୂଆଦିଲ୍ଲୀ ଟ୍ରେଡର୍ସ ଆସୋସିଏସନ୍ ପକ୍ଷରୁ କୁହାଯାଇଛି ଯେ, ଶନିବାର ଦିନ କନ୍ନାଟ ପ୍ଲେସରେ ଥିବା ସମସ୍ତ ଦୋକାନ, କାର୍ଯ୍ୟାଳୟ, ରେଷ୍ଟୁରାଣ୍ଟ ଏବଂ ଅନ୍ୟାନ୍ୟ ବ୍ୟବସାୟିକ ପ୍ରତିଷ୍ଠାନ ସମ୍ପୂର୍ଣ୍ଣ ବନ୍ଦ ରହିବ।
Also Read: ଉପନିର୍ବାଚନ ଫଳାଫଳ: 'ରାହୁଲ ଗାନ୍ଧୀଙ୍କ ମିଥ୍ୟା ଅପପ୍ରଚାର ସତ୍ତ୍ୱେ ଜିତୁଛି ବିଜେପି': ଅମିତ ଶାହ