ନୂଆଦିଲ୍ଲୀ: ଭାରତ ଓ ଅଷ୍ଟ୍ରେଲିଆ ମଧ୍ୟରେ ୫ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ଏବେ ୨-୧ରେ ରହିଛି। ଏହି ଶୃଙ୍ଖଳାର ପଞ୍ଚମ ତଥା ଅନ୍ତିମ ମ୍ୟାଚ୍ ୩ ଜାନୁଆରୀ ୨୦୨୫ରୁ ସିଡନୀରେ ଖେଳାଯିବ। ଏହି ଟେଷ୍ଟ ମ୍ୟାଚ୍ ପୂର୍ବରୁ ଭାରତୀୟ ଦଳକୁ ଝଟକା ଲାଗିଛି। ଭାରତୀୟ ଦଳର ମୁଖ୍ୟ ପ୍ରଶିକ୍ଷକ ଗୌତମ ଗମ୍ଭୀର କହିଛନ୍ତି ଯେ ଆକାଶଦୀପ ଆହତ ହୋଇ ପିଠିରେ ଯନ୍ତ୍ରଣା ଭୋଗୁଛନ୍ତି।

ଏହି କାରଣରୁ ସେ ପଞ୍ଚମ ଟେଷ୍ଟରେ ଭାରତର ପ୍ଲେଇଂ-୧୧ରୁ ବାଦ୍ ପଡ଼ିଛନ୍ତି। ଏଭଳି ପରିସ୍ଥିତିରେ ଆକାଶଦୀପଙ୍କ ବିଦାୟ ପରେ ଭାରତୀୟ ଦଳ ହର୍ଷିତ ରାଣା କିମ୍ବା ପ୍ରସିଦ୍ଧ କ୍ରିଷ୍ଣାଙ୍କ ସହ ଶେଷ ଟେଷ୍ଟ ମ୍ୟାଚ୍ ଖେଳିପାରେ, କାରଣ ସିଡନୀ କ୍ରିକେଟ୍ ଗ୍ରାଉଣ୍ଡ ସାଧାରଣତଃ ସ୍ପିନ୍ ବୋଲରଙ୍କ ପାଇଁ ସହାୟକ ହୋଇଥାଏ, ତେଣୁ ଭାରତ ୨ ଜଣ ସ୍ପିନରଙ୍କୁ ନେଇ ଯାଇପାରିବ।

ବର୍ଡର-ଗାଭାସ୍କର ଟ୍ରଫି୨୦୨୪-୨୫ରେ ଆକାଶଦୀପ ଦୁଇଟି ମ୍ୟାଚ୍ (ବ୍ରିସବେନ୍ ଓ ମେଲବର୍ଣ୍ଣ)ରେ ୫ଟି ୱିକେଟ୍ ନେଇଥିଲେ। ସେ ଅଧିକ ୱିକେଟ୍ ନେବାରେ ସକ୍ଷମ ହୋଇନଥିଲେ। ଏହି ସମୟରେ ତାଙ୍କ ବୋଲିଂରେ ଅନେକ କ୍ୟାଚ୍ ପଡ଼ିଥିଲା। ସେପଟେ ପଞ୍ଚମ ଟେଷ୍ଟ ମ୍ୟାଚ୍  କାରଣରୁ ଦଳରୁ ବିଦାୟ ନେବାରୁ ଭାରତକୁ ଝଟକା ଲାଗିଛି। ମ୍ୟାଚ୍ ପୂର୍ବରୁ କୋଚ୍ ଗୌତମ ଗମ୍ଭୀର ସାମ୍ବାଦିକ ସମ୍ମିଳନୀରେ ଏହି ସୂଚନା ଦେଇଛନ୍ତି। ଆକାଶଦୀପ ପିଠିରେ ଆଘାତ ଲାଗିଥିବାରୁ ଦଳରୁ ବାଦ୍ ପଡ଼ିଛନ୍ତି ବୋଲି ଗମ୍ଭୀର କହିଛନ୍ତି। ଏହି ସମୟରେ ଗମ୍ଭୀର ଆହୁରି ମଧ୍ୟ କହିଛନ୍ତି ଯେ ପିଚ୍କୁ ଦୃଷ୍ଟିରେ ରଖି ପ୍ଲେଇଂ-୧୧ ସ୍ଥିର କରାଯିବ।

ଖରାପ ଫର୍ମ ଯୋଗୁଁ ଅଲରାଉଣ୍ଡର ମିଚେଲ ମାର୍ଶ ସିରିଜର ନିର୍ଣ୍ଣାୟକ ମ୍ୟାଚରେ ଭାଗ ନେବେ ନାହିଁ ବୋଲି ଅଷ୍ଟ୍ରେଲିଆ ନିଶ୍ଚିତ କରିଛି। ତାସମାନିଆ ଅଲରାଉଣ୍ଡର ବିଉ ୱେବଷ୍ଟର ଡେବ୍ୟୁ କରିବାକୁ ଯାଉଛନ୍ତି। ଅଷ୍ଟ୍ରେଲିଆ ଅଧିନାୟକ ପ୍ୟାଟ୍ କମିନ୍ସ ସାମ୍ବାଦିକ ସମ୍ମିଳନୀରେ ଏହି ସୂଚନା ଦେଇଛନ୍ତି। 

୩୩ ବର୍ଷୀୟ ମାର୍ଶ ୪ଟି ଟେଷ୍ଟର ୭ଟି ଇନିଂସରେ ମାତ୍ର ୭୩ ରନ୍ କରିଥିଲେ ଏବଂ କମିନ୍ସ ଏହାକୁ ଦଳରୁ ବାଦ୍ ପଡ଼ିବାର କାରଣ ବୋଲି ଦର୍ଶାଇଛନ୍ତି। ସିରିଜରେ ସେ ଏପର୍ଯ୍ୟନ୍ତ ମାତ୍ର ୩୩ ଓଭର ବୋଲିଂ କରି ମାତ୍ର ୩ଟି ୱିକେଟ୍ ନେଇଛନ୍ତି। ମ୍ୟାଚ୍ ପୂର୍ବରୁ ସାମ୍ବାଦିକ ସମ୍ମିଳନୀରେ କମିନ୍ସ କହିଛନ୍ତି, ଆମ ଦଳରେ ପରିବର୍ତ୍ତନ ହୋଇଛି। ମିଚ୍ ମାର୍ଶଙ୍କ ସ୍ଥାନରେ ବିଉ ୱେବଷ୍ଟର ଆସିଛନ୍ତି। ମିଚ୍ ଜାଣନ୍ତି ଯେ ସେ ପର୍ଯ୍ୟାପ୍ତ ରନ୍ କରିନାହାଁନ୍ତି।

ଅଧିକ ପଢ଼ନ୍ତୁ: କାନପୁରରେ ରେଳ ଧାରଣାରୁ ମିଳିଲା ଏଲପିଜି ସିଲିଣ୍ଡର