ଶ୍ରୀନଗର: ଜମ୍ମୁ-କାଶ୍ମୀର ବାନ୍ଦୀପୋରା ଭାରତୀୟ ସେନା ଗାଡ଼ି ଦୁର୍ଘଟଣା ଗ୍ରସ୍ତ ହୋଇଛି । ଘାଟିକୁ ସେନା ଗାଡ଼ି ଓଲଟିବା ଫଳରେ ୨ ଜଣ ଯବାନ ସହିଦ ହୋଇଥିବାବେଳେ ୩ ଜଣ ଯବାନ ଗୁରୁତର ହୋଇଛନ୍ତି । ବାନ୍ଦୀପୋରା ଜିଲ୍ଲାର ଅନ୍ତର୍ଗତ ଏସକେ ପାୟନ ବୁଲ୍ ଭିଉପଏଣ୍ଟ ପାଖରେ ଏହି ଦୁର୍ଘଟଣା ଘଟିଛି । ସମସ୍ତ ଯବାନଙ୍କୁ ଉଦ୍ଧାର କରାଯାଇଛି । ସେମାନଙ୍କୁ ଜିଲ୍ଲା ମୁଖ୍ୟ ଚିକିସ୍ଚାଳୟରେ ଭର୍ତ୍ତି କରାଯାଇଛି । ସେମାନଙ୍କ ମଧ୍ୟରୁ ତିନି ଜଣଙ୍କୁ ଶ୍ରୀନଗର ସ୍ଥାନାନ୍ତର କରାଯାଇଛି । ଏ ନେଇ ସୂଚନା ଦେଇଛନ୍ତି ଡାକ୍ତର ମସରତ ଇକବାଲ । 

ଏଠାରେ ଉଲ୍ଲେଖ ଯୋଗ୍ୟ, ଗତ ଡିସେମ୍ବର ୩୧ ତାରିଖ ସନ୍ଧ୍ୟା ୬ଟା ସମୟରେ ପୁଞ୍ଛ ଜିଲ୍ଲା ଅଧିନସ୍ଥ ମେଣ୍ଡର ବ୍ଲକ୍ ଅନ୍ତର୍ଗତ ଏଲଓସି ନିକଟସ୍ଥ ବଲନୋଇରେ ୩ ଫୁଟ୍ ତଳକୁ ସେନା ଗାଡ଼ି ଖସି ପଡ଼ିଥିଲା । ଫଳରେ ଗାଡ଼ିରେ ଥିବା ୫ ଜଣ ଯବାନଙ୍କର ପ୍ରାଣହାନୀ ଘଟିଥିଲା ।