କେରଳ: କେରଳରେ ଏକ ଯାତ୍ରୀବାହୀ ବସ୍ ଦୁର୍ଘଟଣାଗସ୍ତ ହୋଇଛି । କେରଳର ଇଡ୍ଡୁକ ଠାରେ ଘଟିଛି ଏହି ଦୁର୍ଘଟଣା । ୩୦ଫୁଟ ଉଚ୍ଚରୁ ବସଟି ଖସି ପଡିବାରୁ ଏଥିରେ ୪ଜଣ ଯାତ୍ରୀଙ୍କ ମୃତ୍ୟୁ ହେବା ସହ ଏକାଧିକ ଆହତ ହୋଇଛି । ଆହତଙ୍କ ନିକଟସ୍ଥ ଚିକିତ୍ସାଳୟରେ ଭର୍ତ୍ତି କରାଯାଇଛି । 

ସୂଚନା ଅନୁଯାୟୀ କେଏସଆରଟିସି ବସରେ ଯାତ୍ରୀଙ୍କ ସମେତ ୩ଜଣ କର୍ମଚାରୀ ରହିଥିଲେ । ବସଟି ତାମିଲନାଡୁରୁ କେରଳ ଅଲପୁଜ୍ଜା ଜିଲ୍ଲାକୁ ଫେରୁଥିବା ବେଳେ ଇଡ୍ଡୁକି ଠାରେ ଦୁର୍ଘଟଣାଗସ୍ତ ହୋଇଛି । ବସର ବ୍ରେକ୍ ଫେଲ ହେବା କାରଣରୁ ଭାରସାମ୍ୟ ହରାଇ ୩୦ ଫୁଟ ଉଚ୍ଚର ତଳକୁ ଖସିପଡିଥିଲା । ସୋମାବାର ସକାଳ ୬ଟାରେ ଘଟିଛି ଏହି ଦୁର୍ଘଟଣା । 

ଦୁର୍ଘଟଣା ପରେ ପୋଲିସ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ତ୍ୱରାନିତ କରିଛି । ଆହତ ଯାତ୍ରୀଙ୍କୁ ମେଡିକାଲରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି ।