ମୁମ୍ବାଇ: କିଛି ସମୟ ପୂର୍ବରୁ ଏପରି ଏକ ଖବର ଆସିଥିଲା ଯାହା 'ବିଗ୍ ବସ୍'ର ସମସ୍ତ ପ୍ରଶଂସକଙ୍କୁ ବିରକ୍ତ କରିଥିଲା। ଏହି ଶୋ’ର ପ୍ରଯୋଜନା କରୁଥିବା Endemol Shine India ଏହି କାର୍ଯ୍ୟକ୍ରମରୁ ଓହରିଯାଇଥିବା  କୁହାଯାଉଥିଲା । ଏହା ମଧ୍ୟ କୁହାଯାଉଥିଲା 'ବିଗ୍ ବସ୍'ର ପରବର୍ତ୍ତୀ ସିଜିନ୍ ବିପଦରେ ପଡ଼ିପାରେ। କନ୍ତୁ ଏହି ସବୁରେ ପୂର୍ଣ୍ଣଛେଦ ପଡିଛି ବିଗ୍ ବସ୍ ୧୯କୁ ଅପେକ୍ଷା କରିଥିବା ସବୁ ଦର୍ଶକଙ୍କ ପାଇଁ ଖୁସି ଖବର ଆସିଛି ।

ଏକ ରିପୋର୍ଟ ଅନୁଯାୟୀ, ଏଣ୍ଡେମୋଲସାଇନ୍ ଇଣ୍ଡିଆ ହିଁ 'ବିଗ୍ ବସ୍'ର ପ୍ରଯୋଜନା କରିବାକୁ ଯାଉଛି। ଏହି ଖବରରୁ ସ୍ପଷ୍ଟ ଯେ ଏହି ଶୋ’ର ପରବର୍ତ୍ତୀ ଅର୍ଥାତ୍ ୧୯ତମ ସିଜିନ୍ ଆସୁଛି। ପୁଣିଥରେ ଆମେ 'ବିଗ୍ ବସ୍'ର ଘରେ ଅନେକ ପ୍ରତିଯୋଗୀଙ୍କୁ ବନ୍ଦୀ ଦେଖିବାକୁ ପାଇବା ।

କେବଳ 'ବିଗ୍ ବସ୍ ୧୯'ର ପ୍ରଡକ୍ସନ୍ ହାଉସ୍ ନୁହେଁ ବରଂ ସଲମାନ ଖାନ ଏବଂ ଏହି ଶୋ'ର ପ୍ରିମିୟର ସହିତ ଜଡିତ ସୂଚନା ମଧ୍ୟ ସାମ୍ନାକୁ ଆସିଛି। ରିପୋର୍ଟରେ କୁହାଯାଇଛି ଯେ ସଲମାନ ପୁଣି ଥରେ ହୋଷ୍ଟ କରିବେ। ସେ ପୂର୍ବରୁ ୧୫ଟି ସିଜିନର ହୋଷ୍ଟିଂ ଦାୟିତ୍ୱ ତୁଲାଇ ସାରିଛନ୍ତି। ଏବେ ସଲମାନ ୧୬ତମ ଥର ପାଇଁ 'ବିଗ୍ ବସ୍' ହୋଷ୍ଟ କରୁଥିବାର ଦେଖାଯିବେ । ଏହା ମଧ୍ୟ କୁହାଯାଉଥିଲା ଯେ ସଲମାନ ଜୁନ ମାସରେ 'ବିଗ୍ ବସ୍ ୧୯'ର ପ୍ରୋମୋ ସୁଟିଂ କରିବାକୁ ଯାଉଛନ୍ତି। ଏହି ଶୋ’ ଜୁଲାଇ ଶେଷ ସୁଦ୍ଧା ଟିଭିକୁ ଆସିପାରେ । ବର୍ତ୍ତମାନ ଆନୁଷ୍ଠାନିକ ଘୋଷଣା ପାଇଁ ଅପେକ୍ଷା କରାଯାଇଛି ।

ଗୋଟିଏ ପଟେ ଜୁଲାଇରୁ 'ବିଗ୍ ବସ୍ ୧୯' ଆରମ୍ଭ ହେବାର ଖବର ଅଛି, ଅନ୍ୟପଟେ ଜୁଲାଇ ମାସରେ ସଲମାନଙ୍କ ଏକ ଫିଲ୍ମର ସୁଟିଂ ମଧ୍ୟ ହେବାକୁ ଯାଉଛି। ସେହି ଫିଲ୍ମର ନାମ ଏପର୍ଯ୍ୟନ୍ତ ପ୍ରକାଶ କରାଯାଇ ନାହିଁ, କିନ୍ତୁ ସେହି ଫଟୋଟି ୨୦୨୦ର ଗାଲୱାନ ବିବାଦ ଉପରେ ଆଧାରିତ। ସଲମାନ ଏହି ଫିଲ୍ମରେ କର୍ଣ୍ଣେଲ ବିକ୍କୁମଲା ସନ୍ତୋଷ ବାବୁ ଭୂମିକାରେ ଅଭିନୟ କରିବେ । ଅପୂର୍ବା ଲାଖିଆ ସେହି ଚିତ୍ରଟିର ନିର୍ଦ୍ଦେଶନା ଦେବାକୁ ଯାଉଛନ୍ତି ।