ମୁମ୍ବାଇ: କାନ୍ସ ଫିଲ୍ମ ଫେଷ୍ଟିଭାଲର ରେଡ୍ କାର୍ପେଟ୍ ରେ ଟ୍ରାଡିସନାଲ ଲୁକ୍ ରେ ନଜର ଆସିଛନ୍ତି ଅଭିନେତ୍ରୀ ଐଶ୍ୱର୍ଯ୍ୟା ରାୟ ବଚ୍ଚନ । ସେ ବୁଧବାର କାନ୍ସରେ ଏକ ଧଳା ବନାରସୀ ଶାଢୀ ଏବଂ ମୁଣ୍ତରେ  ସିନ୍ଦୁର ପିନ୍ଧିଥିବାର ନଜର ଆସିଥିଲେ। ତାଙ୍କର ଏହି ଲୁକ୍ ଦର୍ଶକଙ୍କୁ ଆକୃଷ୍ଟ କରିଥିଲା ।

ଐଶ୍ୱର୍ଯ୍ୟା ରାୟ ଏକ ରୁବି ହାର ପିନ୍ଧିଥିଲେ। ସୋସିଆଲ ମିଡିଆରେ ଏକ ଭିଡିଓରେ, ଅଭିନେତ୍ରୀଙ୍କୁ ହସୁଥିବା ଏବଂ ରେଡ କାର୍ପେଟରେ ପ୍ରଶଂସକମାନଙ୍କୁ ସ୍ୱାଗତ କରୁଥିବାର ଦେଖିବାକୁ ମିଳୁଛି । ବଲିଉଡ୍ ଷ୍ଟାର ଐଶ୍ୱର୍ଯ୍ୟା ରାୟ ବଚ୍ଚନ ପୁଣି ଥରେ ପ୍ରମାଣ କରିଛନ୍ତି ଯେ ତାଙ୍କୁ କାହିଁକି କାନ୍ସ କୁଇନ୍ କୁହାଯାଏ। ତାଙ୍କର ଏହି ଲୁକ୍ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲା। କାନ୍ସ ୨୦୨୫ରେ ଐଶ୍ୱର୍ଯ୍ୟାଙ୍କ ପ୍ରଥମ ଲୁକର ଫଟୋ ମନୀଷ ମାଲହୋତ୍ରା ତାଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲରେ ପୋଷ୍ଟ କରିଥିଲେ । ପୋଷ୍ଟରେ ଲେଖାଯାଇଥିଲା, "କାନ୍ସର ଓଜି ଇଣ୍ଡିଆନ୍ କୁଇନ୍ ଐଶ୍ୱର୍ଯ୍ୟା ରାୟ ଏକ ହାତବୁଣା ବନାରସୀ ଶାଢ଼ୀ ସହିତ ଏକ ରାଜକୀୟ ଅନ୍ଦାଜରେ ନଜର ଆସିଛନ୍ତି ।” ତେବେ ତାଙ୍କର ଏହି ଲୁକ  ଦେଖି ଫ୍ୟାନ୍ସ ମାନେ ତାଙ୍କ ପ୍ରଶଂସା କରିଛନ୍ତି ଏହା ସହିତ ତାଙ୍କର ଏହି ଲୁକ୍ ସୋସିଆଲ ମିଡିଆରେ ହଇଚୟୀ ସୃଷ୍ଟି କରିଦେଇଛି ।

 

 

 

 

View this post on Instagram

 

 

 

 

 

 

 

 

 

 

 

A post shared by Manish Malhotra (@manishmalhotra05)