'ଜେଲର' ପରେ ପୁଣି ଥରେ ସମସ୍ତଙ୍କୁ ଏଣ୍ଟରଟେନମେଣ୍ଟର ଆଉ ଏକ ଡୋଜ ଦେବା ପାଇଁ ଖୁବ ଶୀଘ୍ର ବଡ ପରଦାରେ ଆସିବାକୁ ଯାଉଛି ଫିଲ୍ମ ‘ଲାଲ ସଲାମ’ । ନିକଟରେ ଏହି ଫିଲ୍ମରେ ଟିଜର ରିଲିଜ କରାଯାଇଛି । ଯାହା ଏବେ ସୋସିଆଲ ମିଡ଼ିଆରେ ଝଡ ତୋଳି ଦେଇଛି । ଏହାସହ ଦକ୍ଷିଣ ସିନେମା ସୁପରଷ୍ଟାର ରଜନୀକାନ୍ତ ତାଙ୍କର ଆଗାମୀ ଚଳଚ୍ଚିତ୍ର 'ଲାଲ ସଲାମ' ପାଇଁ ଆଜିକାଲି ହେଡଲାଇନରେ ଅଛନ୍ତି ।

ପ୍ରଶଂସକମାନେ ଉତ୍ସାହର ସହିତ ଏହି ଚଳଚ୍ଚିତ୍ରକୁ ଅପେକ୍ଷା କରିଛନ୍ତି । 'ଲାଲ ସଲାମ' ଘୋଷଣା ହେବା ଦିନଠାରୁ ଏହି ଚଳଚ୍ଚିତ୍ରଟି ଚର୍ଚ୍ଚାର ବିଷୟ ପାଲଟିଛି । ଆଜି ଦିୱାଲୀ ଅବସରରେ ରଜନୀକାନ୍ତ ତାଙ୍କ ପ୍ରଶଂସକଙ୍କୁ ଏକ ବଡ ଉପହାର ଦେଇଛନ୍ତି। ସେ ଏକ ଗୁରୁତ୍ୱପୂର୍ଣ୍ଣ ବାର୍ତ୍ତା ସହିତ ପରଦାକୁ ଫେରିଛନ୍ତି ।  ଦିୱାଲୀର ଶୁଭ ଅବସରରେ ଲାଲ ସଲାମର ପ୍ରଥମ ଟିଜର ମୁକ୍ତିଲାଭ କରିଛି । ଏହାସହ ସେ ତାଙ୍କ ପ୍ରଶଂସକଙ୍କୁ ଏହି ଫିଲ୍ମର ଏକ ଝଲକ ଦେଖାଇଛନ୍ତି। 

ତେବେ ଏପର୍ଯ୍ୟନ୍ତ ଦର୍ଶକଙ୍କ ମନରୁ ‘ଜେଲର୍‌’ର ଦବଦବା ଏବଂ ରଜନୀକାନ୍ତଙ୍କ ଷ୍ଟାଇଲ୍ ଲୋକଙ୍କ ମନକୁ ଲିଭି ପାରିନଥିବା ବେଳେ ରଜନୀକାନ୍ତ ପୁଣିଥରେ ଦର୍ଶକଙ୍କୁ ମନୋରଂଜନର ଡୋଜ ଦେବାକୁ ଆସୁଛନ୍ତି । ଏହି ଫିଲ୍ମରେ ରଜନୀକାନ୍ତଙ୍କ ଝିଅ ଐଶ୍ୱର୍ଯ୍ୟା ନିର୍ଦ୍ଦେଶନା ଦେଇଛନ୍ତି। ରଜନୀକାନ୍ତଙ୍କ ପ୍ରଶଂସକମାନେ ଏହି ଚଳଚ୍ଚିତ୍ରକୁ ନେଇ ବହୁତ ଉତ୍ସାହିତ ଅଛନ୍ତି।

‘ଲାଲ ସଲାମ’ର ଆକ୍ସନ୍-ପ୍ୟାକ୍ ଟିଜର ଏକ ଅତ୍ୟନ୍ତ ଚାପଗ୍ରସ୍ତ କ୍ରିକେଟ୍ ମ୍ୟାଚ୍ ସହିତ ଆରମ୍ଭ ହୁଏ ଯେଉଁଠାରେ କମେଣ୍ଟେଟର୍ ଘୋଷଣା କରୁଛନ୍ତି ଯେ ଏହା କେବଳ ଏକ ଖେଳ ନୁହେଁ ବରଂ ଏକ ଯୁଦ୍ଧ। ଏହା ପରେ ସାମ୍ପ୍ରଦାୟିକ ସଂଘର୍ଷ ଆରମ୍ଭ ହୁଏ, ଯେଉଁଥିରେ ଦଙ୍ଗା ଭଳି ଦୃଶ୍ୟ ମଧ୍ୟ ଦେଖାଯାଏ । ରଜନୀକାନ୍ତ ଏହି ଚଳଚ୍ଚିତ୍ରରେ ମୋଇଦୀନ  ଭାଇ ଭୂମିକାରେ ନଜର ଆସିବେ। ଟିଜର୍‌ରେ ରଜନୀକାନ୍ତଙ୍କ ଏକ ଜବରଦସ୍ତ ଝଲକ ମଧ୍ୟ ଦେଖିବାକୁ ମିଳେ। ମୋଇଦୀନ ଭାଇ ଭୂମିକାରେ ସିଏ ନିଜ କାର ସହିତ ଏକ ଜବରଦସ୍ତ ଏଣ୍ଟ୍ରୀ କରୁଛନ୍ତି ଆଉ ଗୁଣ୍ଡାମାନଙ୍କୁ ଜବରଦସ୍ତ ଆକ୍ସନ୍ ରେ ଧୂଳି ଚଟେଇ ଦଉଛନ୍ତି |

ଭିଡିଓ ଶେଷରେ ରଜନୀକାନ୍ତ କୁହନ୍ତି, 'ତୁମେ ଧର୍ମକୁ କ୍ରୀଡ଼ା ସହିତ ମିଶ୍ରିତ କରି ପିଲାମାନଙ୍କର ମନକୁ ବିଷାକ୍ତ କରି ଦେଇଛ |' ବିଷ୍ଣୁ ବିଶାଲ ଏବଂ ବିକାଶ 'ଲାଲ ସଲାମ'ରେ ମୁଖ୍ୟ ଭୂମିକାରେ ଥିବାବେଳେ ରଜନୀକାନ୍ତ ଏହି ଚଳଚ୍ଚିତ୍ରରେ ଏକ କ୍ୟାମିଓ  ଭୂମିକାରେ ନଜର ଆସିବେ। ଏହି ଚଳଚ୍ଚିତ୍ରର ସଙ୍ଗୀତକୁ ଏ.ଆର୍ ରହମାନ ରଚନା କରିଛନ୍ତି। ଲାଇକା ପ୍ରଡକ୍ସନ୍ସ ଦ୍ୱାରା ନିର୍ମିତ ଚଳଚ୍ଚିତ୍ର 'ଲାଲ ସଲାମ'ର ଆସନ୍ତା ବର୍ଷ 2024ରେ ପୋଙ୍ଗଲ ଅବସରରେ ପ୍ରେକ୍ଷାଳୟରେ ମୁକ୍ତିଲାଭ କରିବ।