ଆଜି ବଲିଉଡ ଅଭିନେତା କାର୍ତ୍ତିକ ଆର୍ଯ୍ୟନ୍ ଙ୍କ ଜନ୍ମଦିନ । ଆଜି କାର୍ତ୍ତିକ ଆର୍ଯ୍ୟନ ତାଙ୍କର 33 ତମ ଜନ୍ମଦିନ ପାଳନ କରୁଛନ୍ତି । ଏହି ଅବସରରେ ତାଙ୍କ ଫ୍ୟାନ୍ସମାନେ ତାଙ୍କ ଦିନକୁ ଆହୁରି ସ୍ପେସିଆଲ ବନେଇବା ପାଇଁ ଶୁଭକାମନା ଜଣେଇବା ସହ ତାଙ୍କ ପାଇଁ ଉପହାର ମଧ୍ୟ ପଠେଇଛନ୍ତି । ଏହି କ୍ରମରେ କରନ ଜୋହର ମଧ୍ୟ ତାଙ୍କୁ ଏକ ଜବରଦସ୍ତ ଉପହାର ଦେଇଛନ୍ତି । କରନ ଜୋହର କାର୍ତ୍ତିକଙ୍କ ସହ ଏକ ନୂଆ ଫିଲ୍ମର ଘୋଷଣା କରିଛନ୍ତି। 

ଏକ ରିପୋର୍ଟକୁ ଅନୁଯାୟୀ, ବାଲାଜୀ ଟେଲିଫିଲ୍ମ ଏବଂ ଧର୍ମା ପ୍ରଡକ୍ସନ୍ସର ବ୍ୟାନରରେ ନିର୍ମିତ ଏହି ଚଳଚ୍ଚିତ୍ରକୁ ସନ୍ଦୀପ ମୋଦୀ ନିର୍ଦ୍ଦେଶନା ଦେବେ। କାର୍ତ୍ତିକ ଆର୍ଯ୍ୟନ୍ ଏହି ଚଳଚ୍ଚିତ୍ରର ମୁଖ୍ୟ ଅଭିନେତା ଭାବରେ ନଜର ଆସିବେ। କାର୍ତ୍ତିକଙ୍କ ଏହି ଚଳଚ୍ଚିତ୍ର 15 ଅଗଷ୍ଟ 2025 ରେ ବଡ ପରଦାରେ ପ୍ରବେଶ କରିବ । ଯାହା କରଣ ଜୋହର ନିଜେ ପ୍ରକାଶ କରିଛନ୍ତି।

କରନ ଜୋହର କାର୍ତ୍ତିକଙ୍କ ଜନ୍ମଦିନରେ ତାଙ୍କ ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରିଛନ୍ତି। ଯେଉଁଥିରେ ଫିଲ୍ମ ସହିତ ଜଡିତ ସମସ୍ତ ସୂଚନା ସେୟାର କରାଯାଇଛି | ଏହି ପୋଷ୍ଟର କ୍ୟାପସନରେ କରଣ ଲେଖିଛନ୍ତି, “ମୁଁ ଆଜି ଏକ ବିଶେଷ ଖବର ସହିତ ଆଜିର ବିଶେଷ ଦିନ ଆରମ୍ଭ କରୁଛି। ଧର୍ମ ପ୍ରଡକ୍ସନ୍ସ ଏବଂ ବାଲାଜୀ ଟେଲିଫିଲ୍ମ ସନ୍ଦୀପ ମୋଦୀଙ୍କ ନିର୍ଦ୍ଦେଶନାରେ ଏକ ଫିଲ୍ମ ନିର୍ମାଣ କରିବାକୁ ଯାଉଛନ୍ତି ବୋଲି କହି ମୁଁ ବହୁତ ଖୁସି ଅନୁଭବ କରୁଛି। ଯେଉଁଥିରେ ଟ୍ୟାଲେଣ୍ଟେଡ ଆକ୍ଟର କାର୍ତ୍ତିକ ଆର୍ଯ୍ୟନ ମୁଖ୍ୟ ଭୂମିକାରେ ଅଭିନୟ କରିବେ । ଏହି ଚଳଚ୍ଚିତ୍ର 15 ଅଗଷ୍ଟ 2025 ରେ ପ୍ରେକ୍ଷାଳୟରେ ମୁକ୍ତିଲାଭ କରିବ । କାର୍ତ୍ତିକ, ଆପଣଙ୍କୁ ଜନ୍ମଦିନର ଶୁଭେଚ୍ଛା ଜଣାଉଛି ... ଆଶା କରୁଛି ଆମର ସହଯୋଗ ଦିନକୁ ଦିନ ଅଧିକ ଶକ୍ତିଶାଳୀ ହେବ ଏବଂ ଆପଣଙ୍କ ଯାଦୁ ସବୁଦିନ ପାଇଁ ବଡ ପରଦାରେ ରହିବ।