ଭୁବନେଶ୍ୱର: ପାର୍ବଣ ସମୟରେ ସରକାରୀ କାର୍ଯ୍ୟାଳୟକୁ ଉପହାର ନେଇ ଆସିବା ମନା । ଏନେଇ ଅର୍ଥ ବିଭାଗ ସମସ୍ତ ବିଭାଗକୁ ଚିଠି ଲେଖି ତାଗିଦ କରିଛି । 

ଅର୍ଥ ବିଭାଗ କହିଛି ଯେ ଭାରତ ସରକାର ଉତ୍ସବ ସମୟରେ "ଉପହାର ନୀତି" ଗ୍ରହଣ କରିଛନ୍ତି । ମନ୍ତ୍ରଣାଳୟ କିମ୍ବା କୌଣସି ବିଭାଗ ଏବଂ ଭାରତ ସରକାରଙ୍କ ଅନ୍ୟାନ୍ୟ ଶାଖାଗୁଡ଼ିକରେ ଦୀପାବଳି ଏବଂ ଅନ୍ୟାନ୍ୟ ପର୍ବପର୍ବାଣୀ ପାଇଁ ଉପହାର ଏବଂ ସମ୍ପର୍କିତ ସାମଗ୍ରୀ ଉପରେ କୌଣସି ଖର୍ଚ୍ଚ କରିବାକୁ ବାରଣ କରେ। ତେଣୁ ରାଜ୍ୟ ସରକାର "ଉପହାର ମନା ନୀତି" ଉପରେ ଗୁରୁତ୍ୱାରୋପ କରିଛନ୍ତି । ତେଣୁ, ସମସ୍ତ ରାଜ୍ୟ ସରକାରୀ କାର୍ଯ୍ୟାଳୟ ଏବଂ ସାର୍ବଜନୀନ କ୍ଷେତ୍ରର ଉଦ୍ୟୋଗଗୁଡ଼ିକୁ ନିର୍ଦ୍ଦେଶ ଦିଆଯାଇଛି ଯେ ଦୀପାବଳି ଏବଂ ଅନ୍ୟାନ୍ୟ ପର୍ବପର୍ବାଣୀ ପାଇଁ ଉପହାର ଏବଂ ସମ୍ପର୍କିତ ଜିନିଷ ପାଇଁ କୌଣସି ଖର୍ଚ୍ଚ କରାଯିବ ନାହିଁ। ଭାରତ ସରକାରଙ୍କ ନିୟମକୁ କଡ଼ାକଡ଼ି ପାଳନ କରିବାକୁ ଅନୁରୋଧ କରାଯାଇଛି ।