ଭଦ୍ରକ ବାସୁଦେବପୁର ନାୟକାଣିଡିହି ଥାନା କାଶୀପୁର ଗାଁରେ ଏକ ଅଭାବନୀୟ ଘଟଣା ଘଟିଯାଇଛି । ପୋଖରୀରେ ବୁଡି ଏକ ଅଢେଇ ବର୍ଷ ଶିଶୁର ଜୀବନ ଚାଲିଯାଇଛି । ମୃତ ଶିଶୁ ଜଣଙ୍କ ଦାଶରଥି ପଲେଇଙ୍କ ପୁଅ ଶ୍ୟାମସୁନ୍ଦର ବୋଲି ଜଣାପଡିଛି ।
ସୂଚନା ଅନୁସାରେ ଗାଁ ଦାଣ୍ଡରେ ଶ୍ୟାମସୁନ୍ଦର କିଛି ପିଲାଙ୍କ ସହ ଖେଳୁଥିଲା । ଏହି ସମୟରେ ପରିବାର ଲୋକଙ୍କ ଅଗୋଚରରେ ପିଲାଟି ପାଖରେ ଥିବା ଏକ ପୋଖରୀରେ ପଡିଯାଇଥିଲା । ପରେ ବହୁ ଖୋଜାଖୋଜି କରିବା ପରେ ପିଲାଟିକୁ ପୋଖରୀ ଭିତରୁ ଉଦ୍ଧାର କରିଥିବା ବେଳେ ବାସୁଦେବପୁର ଡାକ୍ତରଖାନାରେ ଭର୍ତ୍ତି କରିଥିଲେ ସୁଦ୍ଧା ଡାକ୍ତର ତାକୁ ମୃତ ଘୋଷଣା କରିଥିଲେ । ଯାହାକୁ ନେଇ ଅଂଚଳରେ ଶୋକର ଛାୟା ଖେଳିଯାଇଛି ।