ଭୁବନେଶ୍ୱର : ଓଡ଼ିଶା ଭିଜିଲାନ୍ସ ଦ୍ୱାରା ଗିରଫ ହେଲେ ଭୁବନେଶ୍ୱର-IV ସର୍କଲର ସହକାରୀ ରାଜ୍ୟ ଟିକସ କମିଶନର ସରିତା ବାରିକ।ଗତକାଲି ମଙ୍ଗଳବାର ଲାଞ୍ଚ ନେଉଥିବା ବେଳେ ଧରାପଡିଥିଲେ। ୨୦୨୦-୨୧ ଆର୍ଥିକ ବର୍ଷ ପାଇଁ ଟିକସ ଅବଧି ପାଇଁ ITC (ଇନପୁଟ୍ ଟ୍ୟାକ୍ସ କ୍ରେଡିଟ୍) ପ୍ରତ୍ୟାହାର ଏବଂ ଜରିମାନା ଏବଂ ଜରିମାନା ଛାଡ଼ ପାଇଁ ଖାଦ୍ୟ ଉତ୍ପାଦ କାରବାର କରୁଥିବା ଜଣେ ବେକେରୀ ଦୋକାନର ମାଲିକଙ୍କ ଠାରୁ ୨୫,୦୦୦ ଟଙ୍କା ଲାଞ୍ଚ ନେଉଥିବା ବେଳେ ସରିତା ବାରିକଙ୍କୁ ଧରିଥିଲା ଭିଜିଲାନ୍ସ ଆଜି ତାଙ୍କୁ ଗିରଫ କରାଯାଇଛି।

ଅଭିଯୋଗକାରୀଙ୍କ ମାଲିକାନାରେ ଥିବା ଖାଦ୍ୟ ଉତ୍ପାଦ ଫାର୍ମକୁ ୨୦୨୦-୨୧ ଆର୍ଥିକ ବର୍ଷ ପାଇଁ ଇନପୁଟ୍ ଟ୍ୟାକ୍ସ କ୍ରେଡିଟ୍ (ଆଇଟିସି) ପ୍ରତ୍ୟାହାର ପାଇଁ ୨,୨୭,୧୪୭ ଟଙ୍କା ଜରିମାନା ଏବଂ କର ପୈଠ କରିବା ପାଇଁ ସରିତା ବାରିକଙ୍କ ଦ୍ୱାରା କାରଣ ଦର୍ଶାଅ ନୋଟିସ୍ ଜାରି କରାଯାଇଥିଲା। ଏହା ଜାଣିବା ପରେ ସେ ସରିତା ବାରିକଙ୍କ ନିକଟକୁ ଯାଇ ବିଚାର କରିବାକୁ ଅନୁରୋଧ କରିଥିଲେ, କିନ୍ତୁ ସରିତା ବାରିକ ଉପରୋକ୍ତ ଅବଧି ପାଇଁ ଜରିମାନା ଏବଂ ଜରିମାନା ଛାଡ଼ ପାଇଁ ୨୫,୦୦୦ ଟଙ୍କା ଲାଞ୍ଚ ଦାବି କରିଥିଲେ। ଅଭିଯୋଗକାରୀ ଭିଜିଲାନ୍ସ କର୍ତ୍ତୃପକ୍ଷଙ୍କ ନିକଟରେ ଏନେଇ ଅଭିଯୋଗ କରିଥିଲେ । ଏହା ପରେ ଭିଜିଲାନ୍ସ ଅଧିକାରୀମାନେ ପୂର୍ବ ଯୋଜନା ମୁତାବକ ଜଗି ଥିଲେ।ଭୁବନେଶ୍ୱରର ମଧୁସୂଦନ ନଗରର ଆକାଶ ପ୍ରତିଷ୍ଠାନ ସମ୍ମୁଖରେ ଅଭିଯୋଗକାରୀଙ୍କ ଠାରୁ କାର ଭିତରେ ୨୫,୦୦୦ ଟଙ୍କା ଲାଞ୍ଚ ନେଉଥିବା ସମୟରେ ସହକାରୀ କମିଶନର ସରିତା ବାରିକଙ୍କୁ ଭିଜିଲାନ୍ସ ଗିରଫ କରିଥିଲେ। ସମସ୍ତ ଲାଞ୍ଚ ଟଙ୍କା ବାରିକଙ୍କଠାରୁ ଉଦ୍ଧାର କରାଯାଇ ଜବତ କରାଯାଇଛି। ଲାଞ୍ଚ ଟଙ୍କା ଜବତ ପରେ ଆୟବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ଏକକାଳୀନ ବାରିକଙ୍କ ତିନୋଟି ସ୍ଥାନରେ ଚଢାଉ ଜାରିରହିଛି ।