ପ୍ରୟାଗରାଜ: ଉତ୍ତର କେନ୍ଦ୍ରୀୟ ରେଳବାଇ ବ୍ୟତୀତ ଅନ୍ୟ ଜୋନାଲ ରେଳବାଇ ମଧ୍ୟ ମହାକୁମ୍ଭ ପାଇଁ ସ୍ୱତନ୍ତ୍ର ଟ୍ରେନର ଟାଇମଟେବୁଲ ଜାରି କରିବା ଆରମ୍ଭ କରିଛି। ବୁଧବାର ଉତ୍ତର ରେଳବାଇ ପ୍ରୟାଗରାଜ ପାଇଁ ୬ଟି ମହାକୁମ୍ଭ ସ୍ୱତନ୍ତ୍ର ଟ୍ରେନର ସମୟ ସୂଚୀ ଜାରି କରିଛି। ଏଥିରେ ଦିଲ୍ଲୀ, ପଞ୍ଜାବ, ଉତ୍ତରାଖଣ୍ଡ, ହିମାଚଳ ଭଳି ବିଭିନ୍ନ ସହରରୁ ସ୍ବତନ୍ତ୍ର ଟ୍ରେନ୍ ଚଳାଚଳ କରିବ। ଏହାବ୍ୟତୀତ, ଆନ୍ଧ୍ରପ୍ରଦେଶ, ତେଲେଙ୍ଗାନା ଓ ମହାରାଷ୍ଟ୍ରରୁ ମଧ୍ୟ ସ୍ୱତନ୍ତ୍ର ଟ୍ରେନ୍ ଚଳାଚଳ ଆରମ୍ଭ ହୋଇଛି। ଓଡ଼ିଶାର ବିଭିନ୍ନ ସ୍ଥାନରୁ ୫ଟି ସ୍ବତନ୍ତ୍ର ଟ୍ରେନ୍‌ ଚାଲିବ। 

ଏନଆର ଭଟିଣ୍ଡା, ଅମୃତସର, ଫିରୋଜପୁର, ଆମ୍ବ ଆଣ୍ଡୋରା, ଡେରାଡୁନ ଏବଂ ଦିଲ୍ଲୀରୁ ସ୍ୱତନ୍ତ୍ର ଟ୍ରେନର ପ୍ରଥମ କାର୍ଯ୍ୟସୂଚୀ ଜାରି କରିଛି। ଏହି ଟ୍ରେନଗୁଡ଼ିକ ଫାଫାମାଉ ରେଳ ଷ୍ଟେସନ ପର୍ଯ୍ୟନ୍ତ ଆସିବ। ଏଠାରେ ତୀର୍ଥଯାତ୍ରୀମାନେ ପିପା ବ୍ରିଜ୍ ଦେଇ ମହାକୁମ୍ଭ ଅଞ୍ଚଳକୁ ପ୍ରବେଶ କରିବେ। ଏହି ସବୁ ଟ୍ରେନ୍ ମୁରାଦାବାଦ, ବରେଲି, ଲକ୍ଷ୍ନୌ ଦେଇ ଚଳାଚଳ କରିବ। ଜାନୁଆରି ୧୯, ୨୨, ୨୫ ଓ ଫେବ୍ରୁଆରି ୮, ୧୮ ଓ ୨୨ ତାରିଖ ଭୋର ସାଢ଼େ ୪ଟାରେ ଟ୍ରେନ୍ ନମ୍ବର ୦୪୫୨୬ ଭଟିଣ୍ଡାରୁ ବାହାରି ରାତି ୧୧ଟା ୫୫ରେ ଫାଫାମାଉରେ ପହଞ୍ଚିବ।

ଜାନୁଆରୀ ୨୦, ୨୩, ୨୬, ୯, ୧୯ ଓ ୨୩ ତାରିଖ ସକାଳ ସାଢ଼େ ୬ଟାରେ ଫାଫାମାଉରୁ ବାହାରି ରାତି ୧ଟା ୧୦ରେ ଭଟିଣ୍ଡାରେ ପହଞ୍ଚିବ। ଟ୍ରେନ୍ ନମ୍ବର ୦୪୬୬୪ ଜାନୁଆରୀ ୨୫ ତାରିଖ ଅପରାହ୍ନ ୧ଟା ୨୫ରେ ଫିରୋଜପୁରରୁ ବାହାରି ପରଦିନ ପୂର୍ବାହ୍ନ ୧୧ଟା ୩୦ରେ ଫିରୋଜପୁରରେ ପହଞ୍ଚିବ ଏବଂ ଜାନୁଆରି ୨୬ ତାରିଖ ସନ୍ଧ୍ୟା ସାଢ଼େ ୭ଟାରେ ଟ୍ରେନ୍ ୦୪୬୬୩ ଫେରି ପରଦିନ ଅପରାହ୍ନ ୪ଟା ୪୫ରେ ଫିରୋଜପୁରରେ ପହଞ୍ଚିବ। ଟ୍ରେନ୍ ନମ୍ବର ୦୪୫୨୮ ଜାନୁଆରୀ ୧୭, ୨୦, ୨୫, ୯, ୧୫ ଓ ୨୩ ତାରିଖ ରାତି ୧୦ଟା ୫ମିନିଟରେ ହିମାଚଳ ପ୍ରଦେଶର ଆମ୍ବ ଅଣ୍ଡୁରାରୁ ବାହାରି ପରଦିନ ସନ୍ଧ୍ୟା ୬ଟାରେ ଫାଫାମାଉରେ ପହଞ୍ଚିବ।

ଜାନୁଆରି ୧୮, ୨୧, ୨୬, ୧୦, ୧୬ ଓ ୨୪ ତାରିଖ ରାତି ସାଢ଼େ ୧୦ଟାରେ ଟ୍ରେନ୍ ନମ୍ବର ୦୪୫୨୭ ଫାଫାମାଉରୁ ବାହାରି ପରଦିନ ଅପରାହ୍ନ ୫ଟା ୫୦ରେ ଆମ୍ବ ଅଣ୍ଡୌରାରେ ପହଞ୍ଚିବ। ଜାନୁଆରି ୧୮, ୨୧, ୨୪, ୯, ୧୬, ୨୩ ତାରିଖ ସକାଳ ୮ଟା ୧୦ରେ ଟ୍ରେନ୍ ନମ୍ବର ୦୪୩୧୬ ଡେରାଡୁନ୍ରୁ ବାହାରି ରାତି ୧୧ଟା ୫୦ରେ ଫାଫାମାଉରେ ପହଞ୍ଚିବ। ଟ୍ରେନ୍ ନମ୍ବର ୦୪୩୧୫ ଜାନୁଆରି ୧୯, ୨୨, ୨୫, ୧୦, ୧୭ ଓ ୨୪ ତାରିଖ ସକାଳ ୬ଟା ୩୦ରେ ଡେରାଡୁନ୍ରୁ ବାହାରି ରାତି ସାଢ଼େ ୯ଟାରେ ଡେରାଡୁନରେ ପହଞ୍ଚିବ। ଟ୍ରେନ୍ ନମ୍ବର ୦୪୬୬୨ ଅମୃତସର-ଫାଫାମାଉ ସ୍ୱତନ୍ତ୍ର ଟ୍ରେନ୍ ଜାନୁଆରି ୯, ୧୯ ଓ ଫେବ୍ରୁଆରି ୬ ତାରିଖ ରାତି ୮ଟା ୧୦ରେ ଅମୃତସରରୁ ବାହାରି ପରଦିନ ସନ୍ଧ୍ୟା ୭ଟାରେ ଫାଫାମାଉରେ ପହଞ୍ଚିବ