ବଲାଙ୍ଗୀର: ବେଆଇନ ଭାବରେ କାଠର ଚୋରା ଚାଲାଣ କରୁଥିବା ବେଳେ ମାଡ଼ି ବସିଲା ବନ ବିଭାଗ । କାଠ ବୋଝେଇ ପିକ ଅପ୍ ଗାଡ଼ି ଜବତ, ଡ୍ରାଇଭର ଅଟକ । ଶନିବାର ରାତି ପ୍ରାୟ ନଅଟା ସମୟରେ ସ୍ଥାନୀୟ ଶାନ୍ତିପଡା ଛକ ନିକଟରେ ଏଭଳି ଏକ ଘଟଣା ଘଟିଛି । ଏହି ଘଟଣାରେ ପିକ୍ ଅପ ଗାଡ଼ିକୁ ଜବତ କରିବା ସହିତ ଡ଼୍ରାଇଭର କୁ ଅଟକ ରଖାଯାଇଛି । 

ମିଳିଥିବା ସୂଚନା ଅନୁସାରେ ବଲାଙ୍ଗିର ରୁ ପାଟଣାଗଡ଼ ରୋଡ ପଟେ ବେଆଇନ ଭାବରେ କାଠର ଚୋରା ଚାଲାଣ ହେଉଥିବା ନେଇ ବନ ବିଭାଗ ଖବର ପାଇଥିଲା । ବନଖଣ୍ଡ ଅଧିକାରୀଙ୍କ ନିର୍ଦ୍ଧେଶ କ୍ରମେ ସଦର ରେଞ୍ଜ ଅଧିକାରୀଙ୍କ ନବୀନ କୁମାର ପଣ୍ଡା ଙ୍କ ନେତୃତ୍ବରେ ଏକ ଟିମ୍ ତୁରନ୍ତ ଯାଇଥିଲା । ଶାନ୍ତିପଡ଼ା ଛକ ନିକଟରେ ଏକ ଟାଟା ଏସି (ଓଆର ୧୭ କେ ୬୫୫୯) ଗାଡ଼ି ରେ ଶାଳ କାଠ ଜବତ ରହିଥିବା ଦେଖିବାକୁ ମିଳିଥିଲା । ସେଥିରେ ୪୫ ଖଣ୍ଡ ଶାଳ କାଠ ରହିଥିବା ଦେଖିବାକୁ ମିଳିଥିଲା। ଡ୍ରାଇଭର କୁ ଅଟକ ରଖ ଅଧିକ ତଦନ୍ତ କରାଯାଇଛି ବୋଲି ସୂଚନା ଦେଇଛନ୍ତି ସଦର ରେଞ୍ଜର  ।