ଢେଙ୍କାନାଳ: ଦେଶୀ ମଦର ଗନ୍ତାଘର ପାଲଟିଛି ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ଅନ୍ତର୍ଗତ ଆମ୍ୱପଳାସ ଗାଁ । ଆମ୍ବପଳାସରେ ବେଆଇନ ଭାବେ ଚାଲୁଥିବା ଦେଶୀ ମଦ ବେପାରର ପର୍ଦ୍ଦାଫାସ କରିଛି ପୁଲିସ । ଅବକାରୀ ବିଭାଗ, ବନ ବିଭାଗ ଓ ମାଇନିଂ ଟିମ ମିଳିତଭାବେ ଏକ ବଡ଼ ଧରଣର ଚଢ଼ାଉ କରିଛନ୍ତି । ଏଥିରେ ସମ୍ପୃକ୍ତ ଥିବା ଦୁଇ ଜଣଙ୍କୁ ଗିରଫ କରିଛି । ସେମାନେ ହେଲେ ଅରୁଣ ମହାପାତ୍ର ଏବଂ କାର୍ତ୍ତିକ ମହାପାତ୍ର । 

ଆମ୍ୱପଳାସ ଗାଁ ପୁଲିସ ଚଢ଼ାଉ କରିବା ବେଳେ ତାଜୁବ ହୋଇଯାଇଥିଲା । ବିପୁଳ ପରିମାଣର ଦେଶୀ ମଦ ସହ ୧୪ଟି ବାଇକ, ୧ଟି ସ୍କର୍ପିଓ ଏବଂ କୋଇଲା ଭର୍ତ୍ତି ହାଇୱା ଟ୍ରକ୍ ଜବତ କରାଯାଇଛି । ଜବତ ମଦର ପରିମାଣ ୩ ହଜାର ଲିଟର ହେବ ବୋଲି ଅନୁମାନ କରାଯାଉଛି । ଏହା ସହିତ ମଦ ତିଆରି ସାମଗ୍ରୀ ମଧ୍ୟ ଜବତ ହୋଇଛି । ଏଥିରେ ସମ୍ପୃକ୍ତ ଥିବା ଦୁଇ ଜଣ ଅରୁଣ ମହାପାତ୍ର ଏବଂ କାର୍ତ୍ତିକ ମହାପାତ୍ରଙ୍କୁ ପୁଲିସ ଗିରଫ କରିଛି । କିଛି ମଦ ମାଫିଆଙ୍କ ନାଁକୁ ଗୁପ୍ତ ରଖିଛି ଅବକାରୀ ପୁଲିସ । ଯାହାକୁ ନେଇ ତଦନ୍ତ ଜାରି ରହିଛି ଏବଂ ଖୁବଶୀଘ୍ର ସେମାନଙ୍କୁ ଗିରଫ କରାଯିବ ବୋଲି ଅବକାରୀ ପୋଲିସ ପକ୍ଷରୁ ସୂଚନା ମିଳିଛି।