ସମ୍ବଲପୁର : ଯୁଯୁମୁରା ଥାନା ଅନ୍ତର୍ଗତ ପଲଟନଡେରା ଛକ ଜାତୀୟ ରାଜପଥ ଉପରେ ମଙ୍ଗଳବାର ରେଢ଼ାଖୋଲ ଉପ ଜିଲ୍ଲାପାଳଙ୍କ ଗାଡି ଧକ୍କାରେ ଜଣେ ବ୍ୟକ୍ତି ଗୁରୁତର ଆହତ ହୋଇଛନ୍ତି। ପୋଲିସ ପକ୍ଷରୁ ମିଳିଥିବା ପ୍ରାଥମିକ ସୂଚନା ଅନୁସାରେ ପଲଟନଡେରା ଠାରେ ଅନୁଷ୍ଠିତ ଏକ କାର୍ଯ୍ୟକ୍ରମରେ ଯୋଗଦାନ କରି ମୁକୁଟ ଲୁଗୁନ ନାମକ ଜଣେ ବ୍ୟକ୍ତି ଜାତୀୟ ରାଜପଥ ପାରି ହେଉଥିବା ସମୟରେ ରେଢ଼ାଖୋଲ ପଟରୁ ସମ୍ବଲପୁର ପଟକୁ ଆସୁଥିବା ରେଢ଼ାଖୋଲ ଉପ ଜିଲ୍ଲାପାଳଙ୍କ ଗାଡିଟି ସେହି ବ୍ୟକ୍ତିଙ୍କୁ ଧକ୍କା ଦେଇଥିଲା। ଯାହାଫଳରେ ବ୍ୟକ୍ତି ଜଣକ ଗୁରୁତର ଆହତ ହୋଇଥିବା ବେଳେ ତାଙ୍କୁ ସ୍ଥାନୀୟ ଲୋକେ ଭୀମସାର ମେଡିକାଲ କୁ ଚିକିତ୍ସା ପାଇଁ ପଠାଇଥିଲେ। ଅନ୍ୟପକ୍ଷରେ ଯୁଯୁମୁରା ପୋଲିସ ଦୁର୍ଘଟଣା ଘଟାଇଥିବା ଉପ ଜିଲ୍ଲାପାଳ ଗାଡିକୁ ଥାନାରେ ଜବତ ରଖିବା ସହ ଡ୍ରାଇଭରକୁ ଅଟକ ରଖି ପଚରାଉଚରା କରୁଛି।