ଭୁବନେଶ୍ଵର: ଭୁବନେଶ୍ଵରର ଏକ ଘରୋଇ ହୋଟେଲରେ ଆଜି ଦୁଇଦିନିଆ ଓଡିଶା ବିକାଶ ସମାବେଶ ଉଦ୍ଘାଟନ ହୋଇଯାଇଛି। ଏହି ସମାବେଶର ବିଭିନ୍ନ ଅଧିବେଶନ ଆୟୋଜିତ ହେବ। ଏଥିରେ ଓଡିଶା ପାଇଁ ଜନ କୈନ୍ଦ୍ରିକ, ଜଳବାୟୁ ସ୍ମାର୍ଟ ଓ ଶତାୟୁ ଓଡ଼ିଶାର ନକ୍ସା ସହିତ ବିଭିନ୍ନ ସୁପାରିଶ ଗ୍ରହଣ କରାଯିବ। ନୂଆ ଦୃଷ୍ଟିକୋଣର ବିକାଶ ପାଇଁ ଏହା ଉଦ୍ୟମ କରିବାକୁ ଲକ୍ଷ ରଖାଯାଇଛି। ଏହା ଏକ ଅନ୍ତର୍ଭୁକ୍ତିମୂଳକ, ଜଳବାୟୁ-ସ୍ଥାପକ ଏବଂ ଲୋକ-କେନ୍ଦ୍ରିକ ଭବିଷ୍ୟତ ଆଡକୁ ରାଜ୍ୟର ପରିବର୍ତ୍ତନ ଉପରେ ବିଚାର ବିମର୍ଶ କରିବା ପାଇଁ ସମ୍ପ୍ରଦାୟ, ନାଗରିକ ସମାଜ, ସରକାର, ଶିକ୍ଷାନୁଷ୍ଠାନ, ଯୁବ ନେଟୱାର୍କ ଏବଂ ଘରୋଇ କ୍ଷେତ୍ରର ୫୦୦ରୁ ଅଧିକ ଅଂଶଗ୍ରହଣକାରୀଙ୍କୁ ଏକତ୍ରିତ କରିବ।

୨୦୩୬ ମସିହାରେ ଓଡିଶା ତାର ଜନ୍ମ ଶତବାର୍ଷିକୀ ପାଳନ କରିବାକୁ ଯାଉଛି। ଏହି ଅବସରରେ ଓଡିଶାକୁ ଏକ ଅଗ୍ରଣୀ ଜଳବାୟୁ ସହନଶୀଳ ରାଜ୍ୟ  କରିବାକୁ ଲକ୍ଷ ନେଇ ଓଡିଶା ବିକାଶ କନକ୍ଲେଭ ଆୟୋଜନ ହେଉଛି। ଆଗାମୀ ଦଶନ୍ଧି ପରେ ଏହି ଅବସର ପାଳନ କରିବାକୁ ଯାଉଛି ଓଡ଼ିଶା। ଏଥି ପାଇଁ ନୁଆ ଦୃଷ୍ଟିଭଙ୍ଗୀ ସହିତ ସନ୍ତୁଳିତ ବିକାଶର ନକ୍ସା ନିରୂପଣ ପାଇଁ ୫୦୦ ପ୍ରତିନିଧି ଏକାଠି ହୋଇଛନ୍ତି। କେନ୍ଦ୍ର ସରକାରଙ୍କ ନୀତି ଆୟୋଗ, ରାଜ୍ୟ ସରକାର, ସାମାଜିକ ସଂଗଠନର କର୍ମକର୍ତ୍ତାଙ୍କ ସମେତ ୪୦ରୁ ଅଧିଜକ ସଦସ୍ୟ ଏହାକୁ ଆୟୋଜନ କରିଛନ୍ତି। ଆୟୋଜକ ଅନୁଷ୍ଠାନ ଲୋକ କୈନ୍ଦ୍ରିକ ବିକାଶ, ନ୍ୟାୟ ସଙ୍ଗତ ବଜାର ଓ ପ୍ରକୃତି ସହିତ ସମନ୍ବୟରକ୍ଷାକାରି ପଦକ୍ଷେପ ଗୁଡ଼ିକ ବାବଦରେ ଚିନ୍ତନ ମନ୍ଥନ କରିବାକୁ ଲକ୍ଷ ରଖିଥିବା କହିଛନ୍ତି। ରାଜ୍ୟ ମୁଖ୍ୟ ଶାସନ ସଚିବ ମନୋଜ ଆହୁଜା, ସିୱାଇଏସଡ଼ି ସହ ପ୍ରତିଷ୍ଠାତା ଜଗଦାନନ୍ଦ ଓ ବିଶିଷ୍ଟ ସମାଜ ବିଜ୍ଞାନୀ ରାଜେଶ ଟଣ୍ଡନ ଗ୍ରାମାଞ୍ଚଳର ଉନ୍ନତି, ଜଳବାୟୁ ପରିବର୍ତ୍ତନ ସହନଶୀଳତା ଓ ଲୋକ ଭାଗିଦାରିତା ଉପରେ ଆଲୋକପାତ କରିଛନ୍ତି।

ଏହି କାର୍ଯ୍ୟକ୍ରମର ଏକ ପ୍ରମୁଖ ଆକର୍ଷଣ ହେଉଛି ଓଡ଼ିଶାର ଜଳବାୟୁ ପରିବର୍ତ୍ତନ ଏବଂ ନ୍ୟାୟସଙ୍ଗତ ପରିବର୍ତ୍ତନ ଫୋରମର ଶୁଭାରମ୍ଭ, ଯାହା ରାଜ୍ୟରେ ଜଳବାୟୁର ସ୍ଥିର ବିକାଶ ଏବଂ ନ୍ୟାୟସଙ୍ଗତ ଶକ୍ତି ପରିବର୍ତ୍ତନକୁ ସକ୍ଷମ କରିବା ପାଇଁ ସମ୍ପ୍ରଦାୟ ସମେତ ବିଭିନ୍ନ ବର୍ଗଙ୍କୁ ଏକାଠି କରିବା ପାଇଁ ଏକ ପ୍ଲାଟଫର୍ମ।ଏହି କନକ୍ଲେଭ ଅନେକ ନିର୍ଣ୍ଣାୟକ ଫଳାଫଳ ପ୍ରଦାନ କରିବ, ଯେଉଁଥିରେ ଏକ ଦୃଢ଼ ଓଡ଼ିଶା ଜଳବାୟୁ ଏବଂ ବିକାଶ ନୀତି ସଂକ୍ଷିପ୍ତ ଅନ୍ତର୍ଭୁକ୍ତ ଯାହା ଇକୋସିଷ୍ଟମ ପୁନରୁଦ୍ଧାର, ଜୀବିକା ସ୍ଥିରତା, ପ୍ରଯୁକ୍ତିବିଦ୍ୟା ସମନ୍ୱୟ ଏବଂ ଶାସନ ସଂସ୍କାର ପାଇଁ ସ୍ପଷ୍ଟ ପ୍ରାଥମିକତା ନିର୍ଦ୍ଧାରଣ କରିବ। 

ଅଧିକ ପଢନ୍ତୁ:୩୧ ତମ କ୍ୟାବିନେଟ୍ ବୈଠକ, ୩ଟି ପ୍ରସ୍ତାବକୁ ଅନୁମୋଦନ