ଭୁବନେଶ୍ୱର: ରାଜଧାନୀ ଭୁବନେଶ୍ୱରରେ ପହଞ୍ଚିଲେ ଓଡ଼ିଶାର ନୂଆ ରାଜ୍ୟପାଳ ହରିବାବୁ କମ୍ଭମପତି । ଭୁବନେଶ୍ବର ବିମାନ ବନ୍ଦରରେ ନୂଆ ରାଜ୍ୟପାଳ ପହଞ୍ଚିବା ପରେ ତାଙ୍କୁ ଭବ୍ୟ ସ୍ୱାଗତ କରାଯାଇଥିଲା । ପରେ ତାଙ୍କୁ ତାଙ୍କୁ ଗାର୍ଡ ଅଫ୍ ଅନର ପ୍ରଦାନ କରାଯାଇଥିଲା । ଭୁବନେଶ୍ୱରରୁ ନୂଆ ରାଜ୍ୟପାଳ ସିଧାସଳଖ ପୁରୀ ଅଭିମୁଖେ ଗସ୍ତ କରିଥିଲେ ବୋଲି ସୂଚନା ରହିଛି । ରାଜ୍ୟପାଳ ଆଜି ପୁରୀର ରାଜଭବନରେ ରାତ୍ରୀଯାପନ କରିବେ।

ମହାପ୍ରଭୁ ଶ୍ରୀ ଜୀଉଙ୍କ ଦର୍ଶନ କରିବେ। ଆସନ୍ତକାଲି ରାଜ୍ୟପାଳ ପୁରୀରୁ ଭୁବନେଶ୍ବର ଫେରି ରାଜଭବନରେ ଆୟୋଜିତ ଶପଥ ଗ୍ରହଣ କାର୍ଯ୍ୟକ୍ରମରେ ଯୋଗଦେବେ । ଆସନ୍ତକାଲି ଓଡ଼ିଶାର ନୂଆ ରାଜ୍ୟପାଳ ହରିବାବୁ କମ୍ଭମପତି ରାଜଭବନରେ ଶପଥ ନେବେ । ପରେ ଓଡ଼ିଶାର ଶାସନ ଭାର ନୂଆ ରାଜ୍ୟପାଳଙ୍କ ଉପରେ ନ୍ୟସ୍ତ କରାଯିବ ।