କେନ୍ଦୁଝର : କେନ୍ଦୁଝର ଜିଲ୍ଲା ଯୋଡ଼ା ଥାନା ଲହଣ୍ଡା ମୁଣ୍ଡା ସାହିରେ ଘଟିଛି ଅଭାବନୀୟ ଘଟଣା । ମାଆ ଓ ଭଉଣୀକୁ କାଠ ଫାଳିଆରେ ଆକ୍ରମଣ କଲା ପୁଅ ।  ଆକ୍ରମଣରେ ମା' ଗୁରୁବାରୀ ମୁଣ୍ଡାଙ୍କ ମୃତ୍ୟୁ ହୋଇଥିବା ବେଳେ, ଝିଅ ପାନମତୀ ମୁଣ୍ଡାଙ୍କ ଅବସ୍ଥା  ଗୁରୁତର ରହିଛି  । ସଙ୍କଟାପନ୍ନ ଅବସ୍ଥାରେ ତାଙ୍କୁ ନିକଟସ୍ଥ ବାସୁଦେବପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି ।

ସୂଚନା ଅନୁସାରେ, ଶନିବାର ସନ୍ଧ୍ୟା ସମୟ ରେ ମା ଓ ଭଉଣୀ ଘରେ ଥିବା ସମୟ ରେ ଏହି ଘଟଣା ଘଟିଛି ।ଗ୍ରାମବାସୀ ଅଭିଯୁକ୍ତ ପୁଅ ସିମଲ୍ ମୁଣ୍ଡାକୁ କାବୁ କରି ପୋଲିସକୁ ଜିମା ଦେଇଛନ୍ତି । ତେବେ  ପୁଅ ସିମଲ୍ ମୁଣ୍ଡା ଏଭଳି କାଣ୍ଡ କାହିଁକି ଘଟାଇଲା ସେ ନେଇ କିଛି ସ୍ପଷ୍ଟ ହୋଇନଥିବା ବେଳେ ପାରିବାରିକ କଳହରୁ ଏଭଳି ଘଟିଥିବା ସନ୍ଦେହ କରାଯାଉଛି । ଯୋଡ଼ା ପୋଲିସ ଘଟଣା ସ୍ଥଳରେ ପହଞ୍ଚି ଘଟଣା ର ତଦନ୍ତ ଆରମ୍ଭ କରିଛି ।