ଭୁବନେଶ୍ବର: କୋରିୟର ଅଫିସରେ ଲାଗିଲା ନିଆଁ । ନୟାପଲ୍ଲୀ ଆଇଆଇସି ଭିଲେଜରେ ଥିବା ଅଞ୍ଜଳି କୋରିୟର ସର୍ଭିସରେ ଭୟାବହ ଅଗ୍ନିକାଣ୍ଡ ଘଟିଛି । ଜଳିଗଲା ଲକ୍ଷାଧିକ ଟଙ୍କାର ଜିନିଷପତ୍ର । ମେଡ଼ିସିନ, ଇଲେକ୍ଟ୍ରୋନିକ , ରାଖୀ ସହ ଅନ୍ୟାନ୍ୟ ଜିନିଷ ପୋଡି ପାଉଁଶ ହୋଇଯାଇଛି। ବିଳମ୍ବିତ ରାତିରେ ନିଆଁ ଲାଗିଯାଇଥିବା ସୂଚନା ରହିଛି । ଖବର ପାଇ ଅଗ୍ନିଶମ ବାହିନୀର ୩ଟି ଟିମ୍ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା। ସର୍ଟ ସର୍କିଟରୁ ନିଆଁ ଲାଗିଥିବା ସନ୍ଦେହ କରାଯାଉଛି।

ସୂଚନା ଅନୁସାରେ କୋରିୟର ସଂସ୍ଥାରେ ବିଭିନ୍ନ ସ୍ଥାନକୁ ପଠାଯିବା ପାଇଁ ବହୁ ସାମଗ୍ରୀ ରଖାଯାଇଥିଲା। ଏଥିରେ ମେଡିସିନ୍, ଇଲେକ୍ଟ୍ରୋନିକ୍ ସାମଗ୍ରୀ, ରାଖୀ ସମେତ ବିଭିନ୍ନ ପ୍ରକାରର ପାର୍ସଲ୍ ରହିଥିଲା। ଅଗ୍ନିକାଣ୍ଡରେ ଏସବୁ ସାମଗ୍ରୀର ଅଧିକାଂଶ ନଷ୍ଟ ହୋଇଯାଇଥିବା ଜଣାପଡ଼ିଛି। ନିଆଁର ପ୍ରକୋପ ଏତେ ଭୟଙ୍କର ଥିଲା ଯେ, କୋରିୟର କାର୍ଯ୍ୟାଳୟ ଭିତରେ ଥିବା ସାମଗ୍ରୀ ସବୁ ସମ୍ପୂର୍ଣ୍ଣ ଜଳିଯାଇଛି।

ଘଟଣା ସମ୍ପର୍କରେ ଖବର ପାଇବା ପରେ ଅଗ୍ନିଶମ ବାହିନୀର ତିନୋଟି ଟିମ୍ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ। ଅଗ୍ନିଶମ କର୍ମଚାରୀମାନେ ଦୀର୍ଘ ସମୟ ଧରି ପାଣି ଓ ଅନ୍ୟାନ୍ୟ ଉପାୟରେ ନିଆଁ ଲିଭାଇବାକୁ ଉଦ୍ୟମ କରିଥିଲେ। ଶେଷରେ ନିଆଁକୁ ଆୟତ୍ତ କରାଯାଇଛି ଏବଂ ସ୍ଥିତି ଉପରେ ନଜର ରଖାଯାଇଛି।