ଭୁବନେଶ୍ୱର: ରାଜଧାନୀରେ ମାତିଛନ୍ତି ମୂର୍ତ୍ତି ଚୋର । ଏହି ଭଳି ଘଟଣା ଦେଖିବକୁ ମିଳିଛି ରାଜଧାନୀ ଭୁବନେଶ୍ବର ସ୍ଥିତ ବାଲିପାଟଣା ଥାନା ଅନ୍ତର୍ଗତ ମଦନ ମୋହନ ମନ୍ଦିରରୁ। ଦୁର୍ବୃତ୍ତ ମାନେ ତାଲା ଭାଙ୍ଗି ରୂପା ଅଳଙ୍କାର ସହିତ ପ୍ରାଚୀନ ମୂର୍ତ୍ତି ବି ଲୁଟି ନେଇଛନ୍ତି । ଏଥିରୁ ବର୍ତ୍ତି ଯାଇଛି ମନ୍ଦିରରେ ଥିବା ଲକର, ଦୁର୍ବୃତ୍ତ ମାନେ ଲକର ଖୋଲିବାରେ ଅସଫଳ ହୋଇଛନ୍ତି।                 

ସୂଚନାନୁଯାୟୀ, ସୋମବାର ସକାଳେ ମନ୍ଦିର ପୂଜକ ପୂଜାର୍ଚ୍ଚନା କରିବାକୁ ଆସି ମନ୍ଦିର ତାଲା ଭଙ୍ଗା ଯାଇଥିବା ଦେଖିବାକୁ ପାଇଥିଲେ। ଏହା ପରେ ତୁରନ୍ତ ମନ୍ଦିର ଭିତରକୁ ଯାଇ ଦେଖିବାରୁ ପ୍ରାଚୀନ ମଦନମୋହନ, ଲକ୍ଷ୍ମୀ, ରାଧାକୃଷ୍ଣ, ଭୂଦେବୀ ମୂର୍ତ୍ତି, ଠାକୁରଙ୍କ ରୂପା ଅଳଙ୍କାର ସବୁ ଚୋରି ହୋଇଯାଇଛି।  ଏନେଇ ମନ୍ଦିର ପୂଜକ ପୋଲିସକୁ ଖବର ଦେଇଥିଲେ। ଖବର ପାଇ ବାଲିପାଟଣା ପୋଲିସ ଘଟଣା ସ୍ଥଳରେ ପହଁଞ୍ଚି ତଦନ୍ତ କରିଛି। ଆଖପାଖରେ ଥିବା ସମସ୍ତ ସିସିଟିଭିକୁ ଯାଞ୍ଚ କରାଯିବା ସହିତ ଚୋରକୁ ଠାବ କରିବାକୁ ଚେଷ୍ଟା ଚଲାଇଛି ପୋଲିସ।