ଭୁବନେଶ୍ୱର: ମାର୍ଚ୍ଚରୁ ଦୁବାଇ-ସିଙ୍ଗାପୁରକୁ ବିମାନ ସେବା ବନ୍ଦ। ଭୁବନେଶ୍ୱରରୁ ଦୁବାଇ-ସିଙ୍ଗାପୁରକୁ ବନ୍ଦ ହେବ ବିମାନ ସେବା। ଫଳରେ ୪୦ ହଜାର ଓଡ଼ିଆ ଏହାଦ୍ୱାରା ପ୍ରଭାବିତ ହେବେ। ଏହାପୂର୍ବରୁ ଭୁବନେଶ୍ୱରରୁ ଆବୁଧାବିକୁ ମଧ୍ୟ ସିଧାସଳଖ ବିମାନ ସେବା ଗତ ଡିସେମ୍ବରରୁ ବନ୍ଦ ହୋଇଯାଇଛି। ମାସଟେ ନପୂରୁଣୁ ଏବେ ଭୁବନେଶ୍ୱର ବିମାନ ବନ୍ଦରରୁ ଆଉ ୨ଟି ପ୍ରମୁଖ ଆନ୍ତର୍ଜାତୀୟ ବିମାନ ସେବା ବନ୍ଦ କରିବାକୁ ଯୋଜନା ରଖିଛି। 

ମାର୍ଚ୍ଚ ୨୮ ପରେ ଦୁବାଇ ଓ ସିଙ୍ଗାପୁର ଭଳି ଗୁରୁତ୍ୱପୂର୍ଣ୍ଣ ସ୍ଥାନକୁ ଭୁବନେଶ୍ୱରରୁ ସିଧା ବିମାନ ସେବା ବନ୍ଦ ହୋଇଯିବ। ମାର୍ଚ୍ଚ ୨୮ ପରେ ଏହି ୨ଟି ରୁଟ୍ ରେ ସିଧା ବିମାନ ସେବା ପାଇଁ ଇଣ୍ଡିଗୋ ଅନଲାଇନ ବୁକିଂ ବନ୍ଦ ରଖିଛି। ଏନେଇ ଉଦବେଦ ପ୍ରକାଶ କରି ରାଜ୍ୟ ସରକାରଙ୍କ ହସ୍ତକ୍ଷେପ ଲୋଡିଛି ଓଡିଆ ସମାଜ UAE ସଂଗଠନ। ବିମାନ ଚଳାଚଳ କମ୍ପାନୀ ପକ୍ଷରୁ ଏସମ୍ପର୍କରେ ନିର୍ଦ୍ଦିଷ୍ଟ ଭାବରେ କିଛି ସ୍ପଷ୍ଟ କରାଯାଉନାହିଁ। ଯାହାକୁ ନେଇ ଚିନ୍ତାପ୍ରକଟ କରି ମୁଖ୍ୟ ସଚିବଙ୍କୁ ଚିଠି ଲେଖିଲା ଓଡ଼ିଶା ସମାଜ। ମୁଖ୍ୟ ଶାସନ ସଚିବଙ୍କୁ ଚିଠି ଲେଖି ଏ ସମ୍ପର୍କରେ ଜଣାଇବା ସହ ତୁରନ୍ତ ହସ୍ତକ୍ଷେପ ଲୋଡିଛି।

ଭୁବନେଶ୍ୱରରୁ ଦୁବାଇ ବିମାନ ସେବା ବନ୍ଦ ହେଲେ UAEରେ ରହୁଥିବା ୪୦ ହଜାରରୁ ଅଧିକ ଓଡିଆ ପ୍ରଭାବିତ ହେବାର ଆଶଙ୍କା ରହିଛି। ସେହିପରି ଅନ୍ୟ ଗଲ୍ଫ ଦେଶକୁ ଯିବା ଆସିବା ପାଇଁ ଦୁବାଇ- ଭୁବନେଶ୍ୱର ବିମାନ ସେବା ବେଶ ଗୁରୁତ୍ୱପୂର୍ଣ୍ଣ। ପ୍ରବାସୀ ଓଡିଆମାନେ କେବଳ ଓଡିଶା ଆସିବା ପାଇଁ ଏହି ବିମାନ ଉପରେ ନିର୍ଭର କରନ୍ତି ନାହିଁ। ବରଂ ଏହି ବିମାନ ଓଡିଶାର ପର୍ଯ୍ୟଟନ ଏବଂ ଗଲ୍ପ ଦେଶ ସହ ବାଣିଜ୍ୟିକ ସମ୍ପର୍କକୁ ମଧ୍ୟ ମଜବୁତ କରିଛି। ପୂର୍ବରୁ ୨୦୨୫ ସେପ୍ଟେମ୍ବର ମାସରେ ଦୁବାଇ- ଭୁବନେଶ୍ୱର ବିମାନ ସେବା ବନ୍ଦ କରିବାକୁ ଯୋଜନା ହୋଇଥିଲା। ତେବେ ଓଡିଶା ସରକାରଙ୍କ ହସ୍ତକ୍ଷେପ ଯୋଗୁଁ ବିମାନ ସେବା ଜାରି ରହିଥିଲା। ତେଣୁ ଏହି ବିମାନ ସେବା ପ୍ରସଙ୍ଗରେ ମଧ୍ୟ ରାଜ୍ୟ ସରକାରଙ୍କ ହସ୍ତକ୍ଷେପ ଲୋଡିଛି ଓଡିଆ ସମାଜ UAE।