ଭୁବନେଶ୍ୱର : ରାଜଧାନୀରେ ବିଭତ୍ସ ହତ୍ୟା । ପୁନାମା ଗେଟ୍‌ ନିକଟ ରେଳ ଧାରଣାରୁ ଜଣେ  ଯୁବକଙ୍କୁ ବିଭତ୍ସ ଭାବେ ହାଣି ହତ୍ୟା କରାଯାଇଥିବା ଅଭିଯୋଗ ହୋଇଛି । ଯୁବକ ଜଣଙ୍କୁ ହତ୍ୟା କରାଯାଇଥିବା ଅଭିଯୋଗ ଆଣିଛନ୍ତି   ପରିବାର ସଦସ୍ୟ । ମୃତ ଯୁବକଙ୍କ ନାଁ ସ୍ୱରାଜ ବେହେରା ଏବଂ  ତାଙ୍କ ଘର ଭୁବନେଶ୍ବର ଗୋସାଗରେଶ୍ବର ଅଞ୍ଚଳରେ ବୋଲି ଜଣାପଡିଛି । 

ସୂଚନା ଅନୁଯାୟୀ କ୍ଷତାକ୍ତ ଅବସ୍ଥାରେ ପଳାଶପଲ୍ଲୀ ନିକଟ ପୁନାମା ଗେଟ ନିକଟସ୍ଥ ରେଳ ଧାରଣାରୁ ତାଙ୍କ ମୃତଦେହ ମିଳିଛି। ସ୍ବରାଜଙ୍କ  ପିଠି ଓ ଦେହରେ ଖଣ୍ଡା ଚୋଟର ଚିହ୍ନ ରହିଥିବା ଦେଖିବାକୁ ମିଳିଛି।  ଘଟଣାସ୍ଥଳରେ ପୁଲିସ ପକ୍ଷରୁ ତଦନ୍ତ ଜାରି ରହିଛି । 

କିଛି ଦିନ ଏଭଳି ଘଟଣା ବାରମ୍ବାର ଘଟୁଥିବାରୁ ଭୁବନେଶ୍ୱର ଏବେ ଅପରାଧର ଆଡ୍ଡା ପାଲଟିଛି ବୋଲି କୁହାଯାଉଛି ।  କିଛିଦିନ ପୂର୍ବରୁ ଏୟାରପୋର୍ଟ ଅଞ୍ଚଳରେ  ଜଣେ ଯୁବକଙ୍କୁ ମାରି ଗାଁ ଦାଣ୍ଡରେ ଫିଙ୍ଗି ଦେଇଥିଲେ । ଅପରାଧୀ ମାନଙ୍କ ଏଭଳି କାଣ୍ଡ ଏବେ କମିଶନରେଟ ପୁଲିସ ପାଇଁ ମୁଣ୍ଡବ୍ୟଥାର କାରଣ ହୋଇଛି ।