କଟକ: ଆସନ୍ତା ଏପ୍ରିଲ ୧୧ ତାରିଖରେ କଟକର ବାଲିଯାତ୍ରା ପଡ଼ିଆରେ ‘ଆୟୁଷ୍ମାନ’ ଯୋଜନାର ଶୁଭାରମ୍ଭ ହେବ । ଏନେଇ ସ୍ବାସ୍ଥ୍ୟ ମନ୍ତ୍ରୀ ମୁକେଶ ମହାଲିଙ୍ଗ ସୂଚନା ଦେଇଛନ୍ତି । ଏହି ଯୋଜନାର ଶୁଭାରମ୍ଭ କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ଜେ.ପି ନଡ୍ଡା କରିବେ । ଏହି ଯୋଜନା ପାଇଁ ଯୋଗ୍ୟ ଲୋକଙ୍କୁ ଆୟୁଷ୍ମାନ ଯୋଜନାରେ ଅନ୍ତର୍ଭୂକ୍ତ କରାଯିବ । ଏହି ଯୋଜନା ଅଧୀନରେ ଆୟୁଷ୍ମାନ କାର୍ଡଧାରୀମାନେ ତାଲିକା ଭୁକ୍ତ ଡାକ୍ତରଖାନା ଗୁଡ଼ିକରେ ମାଗଣା ଚିକିତ୍ସା ପାଇପାରିବେ । ଏହି କାର୍ଡ ହିତାଧିକାରୀଙ୍କୁ ୫ ଲକ୍ଷ ଟଙ୍କା ପର୍ଯ୍ୟନ୍ତ ମାଗଣା ଚିକିତ୍ସା କରିବାର ସୁଯୋଗ ପାଇପାରିବେ । ଏହି ଯୋଜନାରେ ରାଜ୍ୟର ପ୍ରାୟ ୧ କୋଟି ୩ ଲକ୍ଷରୁ ଅଧିକ ପରିବାର ଉପକୃତ ହେବେ । 

ଆର୍ଥିକ ଦୃଷ୍ଟିରୁ ଚିକିତ୍ସା ପାଇଁ ଲୋକମାନେ ଯେମିତି ଅସୁବିଧାରେ ସମ୍ମୁଖୀନ ନ ହୁଅନ୍ତି ସେଥିପାଇଁ ସରକାର ଏ ପ୍ରକାରର ପ୍ରୟାସ ଆପଣାଇଛନ୍ତି  । ଏହା ମାଧ୍ୟମରେ ଜଣେ  ଆର୍ଥିକ ଅନଗ୍ରସର ଲୋକେ ମାଗଣା ସ୍ବାସ୍ଥ୍ୟ ସେବାର ଲାଭ ପାଇପାରିବେ । ଯାହା ଏବେ ଓଡ଼ିଶାରେ ଉପଲବ୍ଧ ହେବ । ଏହା ମାଧ୍ୟମରେ କାର୍ଡଧାରୀମାନେ  ୫ ଲକ୍ଷ ଟଙ୍କା ପର୍ଯ୍ୟନ୍ତ ମାଗଣା ସ୍ବାସ୍ଥ୍ୟ ବୀମାର ଲାଭ ପାଇବେ । ଯାହା ଓଡ଼ିଶାବାସୀଙ୍କ ପାଇଁ ଏକ ଖୁସିର ଖବର । ଏହି କାର୍ଡ ମାଧ୍ୟମରେ ଭାରତୀୟମାନେ ତାଲିକା ଭୁକ୍ତ ଯେ କୌଣସି ଡାକ୍ତରଖାନା ଗୁଡ଼ିକରେ ଭାରତ ମଧ୍ୟରେ ସେବା ପାଇପାରିବେ । କେନ୍ଦ୍ର ସରକାର ଆୟୁଷ୍ମାନ ଯୋଜନାକୁ ଦେଶର ସମସ୍ତ ଗରିବ ଲୋକଙ୍କ ପାଇଁ ଲାଗୁ କରିଛନ୍ତି ।  ଚିକିତ୍ସା ଓ ଅର୍ଥ ଅଭାବରୁ ଯେମିତି କେହି ମୃତ୍ୟୁ ବରଣ ନ କରନ୍ତି ତାହା ପ୍ରତି ଦୃଷ୍ଟି ଦେଇ ଏହି ଯୋଜନା ରାଜ୍ୟରେ ଲାଗୁ କରାଯିବା ପାଇଁ ନିଷ୍ପତ୍ତି ନିଆଯାଇଛି ।