ମୟୁରଭଞ୍ଜ : AI କ୍ୟାମେରା ଶିକାରୀଙ୍କୁ ଟ୍ରାପ କରି ଧରିବାରେ ସଫଳ ହେଲା । ଏହି ଶିକାରରେ ଜଣେ କି ଦୁଇ ଜଣ ନୁହଁ ପୂରା ୧୩ ଜଣ ଶିକାରୀ ଧରା ପଡିଛନ୍ତି ।  ୨୪ ତାରିଖ ରାତିରେ ଶିକାର ପାଇଁ ୧୩ ଜଣ ଶିକାରୀ ଶିମିଳିପାଳରେ ପ୍ରବେଶ କରିଥିଲେ । ସେମାନେ ରେଞ୍ଜର କୋର୍‌ ଅଞ୍ଚଳରେ ଶିକାର ପାଇଁ ଯାଇଥିବାବେଳେ AI କ୍ୟାମେରା ଟ୍ରାପ କରିଥିଲା ।

ଧରାପଡିଥିବା ସମସ୍ତ ଅଭିଯୁକ୍ତ ମାନେ ହେଉଛନ୍ତି କରଞ୍ଜିଆ ଥାନା ଅଞ୍ଚଳର ରାମଯୋଡି,ଅଁଳାକଣ୍ଟା,ରାଣୀଭୋଳ ଓ ଦୁଧିଆଣି ଗାଁର । ବନ ବିଭାଗ ସେମାନଙ୍କ ନିକଟରୁ ୧୩ଟି ଧନୁ,୩୩ଟି ତୀର ଓ ଗୋଟିଏ ଦେଶୀ ବନ୍ଧୁକ ଜବତ କରିଛି । ସମସ୍ତଙ୍କୁ ଗିରଫ ପରେ କୋର୍ଟ ଚାଲାଣ ମଧ୍ୟ କରାଯାଇଛି ।