କେନ୍ଦୁଝର : ହାତୀ ଦେଖିବାକୁ ଯାଇ ହାତୀ ଆକ୍ରମଣରେ ଆହତ ହେଲେ ଯୁବକ । ସୂଚନା ଅନୁଯାୟୀ ଗତ କିଛି ମାସ ହେବ ଚମ୍ପୁଆ ରେଞ୍ଜରେ ଉତ୍ପାତ କରୁଛନ୍ତି  ୨୭ ଟିକିଆ ହାତୀ ପଲ। ତେବେ ସେହି ହାତୀ ମାନେ ଜାଲି ଜଙ୍ଗଲ ରେ ଥିବା ବେଳେ ରେଙ୍ଗାଳ ଗୋଡ଼ା ଗ୍ରାମର ନକୁଳ ନାଏକ ହାତୀ ଦେଖିବାକୁ ଯାଇ ହାବୁଡରେ ପଡ଼ିଯାଇଥିଲେ । ଫଳରେ ହାତୀ ଆକ୍ରମଣରେ ସେ ଗୁରୁତର ଆହତ ହୋଇଥିବା ବେଳେ ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ପ୍ରଥମେ ଭଣ୍ଡା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ହେଲେ ସେଠାରେ ତାଙ୍କ ଅବସ୍ଥା ଗୁରୁତର ହେବାରୁ  କେନ୍ଦୁଝର ଜିଲ୍ଲା ଚିକିତ୍ସାଳୟକୁ ସ୍ଥାନାନ୍ତରିତ ହୋଇଥିଲେ। ଖବର ପାଇ ଉଖୁଣ୍ଡା ଫରେଷ୍ଟର ଘଟଣାସ୍ଥଳରେ ପହଞ୍ଚି ଲୋକମାନଙ୍କୁ ହାତୀ ନିକଟକୁ  ଯିବାକୁ ବାରଣ କରିଥିଲେ ।