ସ୍କୁଲରେ ବଡ ଅଘଟଣ । ଦୋଳି ଖେଳୁ ଖେଳୁ ଚାଲିଗଲା ଛାତ୍ରର ଜୀବନ । ଏପରି ଏକ ଅଘଟଣ ଦେଖିବାକୁ ମିଳିଛି ଯାଜପୁର ଜିଲ୍ଲା ଟମକା ଥାନା ନୟା ବାଗପାଟିଆ ୟୁପି ସ୍କୁଲରେ । ମୃତ ଛାତ୍ର ଜଣଙ୍କ ନୟା ବଗପାଟିଆ ଗ୍ରାମର ନବଘନ ସାହୁଙ୍କ ପୁଅ ସୋମ୍ୟରଂଜନ । ଯିଏକି ଚତୁର୍ଥ ଶ୍ରେଣୀର ଛାତ୍ର ବୋଲି ଜଣାପଡିଛି । 

ସୂଚନା ଅନୁସାରେ ସ୍କୁଲରେ ଥିବା ଦୋଳିରେ ଛାତ୍ର ଜଣଙ୍କ ଦୋଳି ଖେଳୁଥିଲେ । ଏହି ସମୟରେ ସେ ହଠାତ ଦୋଳିରୁ ତଳକୁ ଖସି ପଡିଥିଲେ । ତୁରନ୍ତ ସ୍କୁଲ କତ୍ତୃପକ୍ଷ ତାଙ୍କୁ ନିକଟ ଦାନଗଦି ଡାକ୍ତରଖାନାକୁ ନେଇ ଯାଇଥିଲେ । କିନ୍ତୁ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ତେବେ ଏହି ଘଟଣାକୁ ନେଇ ଗାଁରେ ଶୋକାକୁଳ ପରିବେଶ ସୃଷ୍ଟି ହୋଇଥିବା ବେଳେ ଶିକ୍ଷକଙ୍କ ଦାୟିତ୍ୱହିନତା ପାଇଁ ଛାତ୍ରଟିର ମୃତ୍ୟୁ ହୋଇଥିବା ନେଇ ମୃତ ଛାତ୍ରଙ୍କ ବାପା ନବଘନ ସାହୁ ଅଭିଯୋଗ କରିଛନ୍ତି ।