ଭାରତୀୟ ଦଳର ଷ୍ଟାର ବ୍ୟାଟ୍ସମ୍ୟାନ ସୂର୍ୟକୁମାର ଯାଦବଙ୍କୁ ଏକ ନୂଆ ରୂପରେ ଦେଖିବାକୁ ମିଳିଛି । ପଡିଆରେ ୩୬୦ ବ୍ୟାଟିଂ କରି ଦର୍ଶକଙ୍କୁ ମନୋରଞ୍ଜନ କରୁଥିବା ସୂର୍ୟା ତାଙ୍କ ଫ୍ୟାନ୍ସ ମାନଙ୍କ ସହ ପ୍ରାଙ୍କ କରୁଥିବାର ଦେଖିବାକୁ ମିଳିଛି । ମୁମ୍ବାଇର ମରିନ ଡ୍ରାଇଭରେ ବସିଥିବା ଲୋକମାନଙ୍କୁ କ୍ରିକେଟ ବିଷୟରେ ପ୍ରଶ୍ନ ପଚାରିବା ପାଇଁ କ୍ୟାମେରା ଧରି ବାହାରିଯାଇଥିଲେ ସୂର୍ୟା । ସୋସିଆଲ ମିଡ଼ିଆରେ ଏହାର ଭିଡିଓ ଭାରତୀୟ କ୍ରିକେଟ ଦଳର ଅଫିସିଆଲ ଆକାଉଣ୍ଟରେ ପୋଷ୍ଟ ହୋଇଛି । 

କ୍ରିକେଟ ଫ୍ୟାନ୍ସଙ୍କ ସହ ପ୍ରାଙ୍କ କରିବାକୁ ଫୁଲ ସାର୍ଟ , ମୁଣ୍ଡରେ କ୍ୟାପ୍ ଓ ମୁହଁରେ ମାସ୍କ ପିନ୍ଧି ଓ ହାତରେ କ୍ୟାମେରା ଧରି ମରିନ୍ ଡ୍ରାଇଭକୁ ବାହାରିଯାଇଥିଲେ ସୂର୍ୟା । ସମୁଦ୍ର କୂଳରେ ବସିଥିବା ଲୋକଙ୍କୁ କ୍ରିକେଟ ସମ୍ବନ୍ଦୀତ ପ୍ରଶ୍ନ ମଧ୍ୟ ପଚାରିଥିଲେ । ଲୋକାଲ ଖେଳାଳି ହୋଇଥିବାରୁ ମୁମ୍ବାଇ ଖେଳାଳିଙ୍କ ବିଷୟରେ ଅନେକ ପ୍ରଶ୍ନ ପଚାରିଥିଲେ । ସବୁଠୁ ମଜାର କଥା ହେଉଛି କି ନିଜ ବିଷୟରେ ମଧ୍ୟ ପ୍ରଶ୍ନ ପଚାରିଥିଲେ ଏବଂ ଏତେ ସମୟ କଥା ହେଲା ପରେ ମଧ୍ୟ କେହି ସୂର୍ୟକୁମାରଙ୍କୁ ଚିହ୍ନି ପାରିନଥିଲେ । ପରେ ନିଜ ପରିଚୟ ଦେଇ ଫ୍ୟାନ୍ସଙ୍କ ସହ ଫୋଟୋ ଉଠାଇଥିଲେ । ସୂର୍ୟାଙ୍କ ଏହି  ମଜାଳିଆ ରୂପ ଦେଖି ସମସ୍ତେ ବେଶ ଖୁସି ହେଇଥିଲେ ଏବଂ ଏହି ଭିଡିଓକୁ ମଧ୍ୟ ସମସ୍ତେ ପସନ୍ଦ କରୁଛନ୍ତି ।

ଅଧିକ ପଢନ୍ତୁ : ପୁନେରେ ହେବ କଡା ଟକ୍କର, ଦକ୍ଷିଣ ଆଫ୍ରିକାକୁ ଭେଟିବ ନିଉଜିଲାଣ୍ଡ