ଭାରତ ଓ ଇଂଲଣ୍ଡ ବିପକ୍ଷରେ ଚାଲିଥିବା ଟେଷ୍ଟ ସିରିଜର ଚତୁର୍ଥ ମ୍ୟାଚରେ ଯଶପ୍ରୀତ ବୁମରାଙ୍କୁ ବିଶ୍ରାମ ଦିଆଯାଇପାରେ । ରାଞ୍ଚି ଟେଷ୍ଟରେ ବୁମରାଙ୍କୁ ବିଶ୍ରାମ ଦିଆଯାଇ ମୁକେଶ କୁମାର କିମ୍ବା ଅକ୍ସର ପଟେଲଙ୍କୁ ସ୍ଥାନ ଦିଆଯିବା ସୂଚନା ମିଳୁଛି । ୫ ମ୍ୟାଚ ବିଶିଷ୍ଟ ଟେଷ୍ଟ ସିରିଜରେ ଭାରତ ୨-୧ ରେ ଆଗୁଆ ରହିଛି । ୩ୟ ଟେଷ୍ଟରେ ବଡ ବିଜୟ ହାସଲ କରି ସିରିଜରେ ଆଗୁଆ ରହିଛି ଭାରତ । ଯଶପ୍ରୀତ ବୁମରା ଭାରତୀୟ ଦଳରେ ମୁଖ୍ୟ ଭୂମିକା ଗ୍ରହଣ କରନ୍ତି ଏବଂ ଚାଲିଥିବା ଟେଷ୍ଟ ସିରିଜରେ ସର୍ବାଧିକ ୱିକେଟ୍ ନେଇଛନ୍ତି । ସେ ହାରାହାରି ୧୩.୬୪ ରେ ୧୭ ଟି ୱିକେଟ୍ ନେଇଛନ୍ତି। ତିନୋଟି ମ୍ୟାଚ୍ରେ ୮୦ ରୁ ଅଧିକ ଓଭର ବୋଲିଂ ମଧ୍ୟ କରିଛନ୍ତି। ୪୫ ରନ୍ ପାଇଁ ୬ ଟି ୱିକେଟ୍ ଏହି ସିରିଜରେ ତାଙ୍କର ଶ୍ରେଷ୍ଠ ବୋଲିଂ ପ୍ରଦର୍ଶନ । ବିଶାଖାପାଟନମରେ ଦ୍ୱିତୀୟ ଟେଷ୍ଟରୁ ମହମ୍ମଦ ସିରାଜଙ୍କୁ ବିଶ୍ରାମ ଦିଆଯାଇଥିଲା। ସିରାଜଙ୍କ ସ୍ଥାନରେ ମୁକେଶ କୁମାରଙ୍କୁ ଦଳରେ ସ୍ଥାନ ମିଳିଥିଲା । କିନ୍ତୁ ବର୍ତ୍ତମାନ ବୁମ୍ରାଙ୍କ ବିକଳ୍ପ ଭାବରେ ଦଳରେ କାହାକୁ ଅନ୍ତର୍ଭୁକ୍ତ କରାଯିବ ସେ ନେଇ କୌଣସି ସୂଚନା ମିଳିପାରିନାହିଁ। ଯଶପ୍ରୀତ ବୁମରା ଭାରତୀୟ ଫାଷ୍ଟ ବୋଲିଂରେ ସ୍ଥିରତା ପ୍ରଦାନ କରନ୍ତି । କିନ୍ତୁ ୪ଥ ଟେଷ୍ଟରେ ବୁମରାଙ୍କ ଅନୁପସ୍ଥିତି ଭରତୀୟ ଦଳରେ କେତେ ପ୍ରଭାବ ପଡିବ ତାହା ୨୩ ଫେବୃଆରୀରେ ଜଣା ପଡିବ ।
ଅଧିକ ପଢନ୍ତୁ : ଇଂଲଣ୍ଡକୁ ୪୩୪ ରନରେ ହରାଇଲା ରୋହିତ ଶର୍ମାଙ୍କ ଭାରତୀୟ ଦଳ