କରୋନାରେ ଆକ୍ରାନ୍ତ ହୋଇ ହସପିଟାଲରେ ଭର୍ତ୍ତି ହେଲେ ସଚ୍ଚିନ ତେନ୍ଦୁଲକର
Khabar Odisha:Sachin-Tendulkar-was-hospitalized-in-Mumbai
ନୂଆଦିଲ୍ଲୀ, ଏପ୍ରିଲ ୦୨ (ଖବର ଓଡ଼ିଶା):

କିଛି ଦିନ ତଳେ କରୋନାରେ ଆକ୍ରାନ୍ତ ହୋଇଥିବା ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ହସପିଟାଲରେ ଭର୍ତି ହୋଇଛନ୍ତି । କରୋନା ପଜିଟିଭ ହେବା ପରେ ଡାକ୍ତରଙ୍କ ପରାମର୍ଶ ଗ୍ରହଣ କରି ନିଜ ଘରେ ଆଇସୋଲେସନରେ ରହିଥିଲେ ମାତ୍ର ଆଜି ହସପିଟାଲରେ ଭର୍ତ୍ତି ହୋଇଥିବା ନିଜ ଟ୍ୱିଟରେ ସୂଚନା ଦେଇଛନ୍ତି । ସଚିନ ନିଜ ଟ୍ୱିଟରେ ଉଲ୍ଲେଖ କରିଛନ୍ତି ଯେ, ଆପଣମାନଙ୍କର ଆଶୀର୍ବାଦ ଓ ପ୍ରାର୍ଥନା ପାଇଁ ଧନ୍ୟବାଦ । ଡାକ୍ତରଙ୍କ ପରାମର୍ଶ କ୍ରମେ ସେ ହସପିଟାଲରେ ଭର୍ତି ହୋଇଛନ୍ତି । ଖୁବଶୀଘ୍ର ସେ ଘରକୁ ଫେରିଆସିବେ । ଆପଣମାନେ ନିଜର ଯତ୍ନ ନେବା ସହ ସୁରକ୍ଷିତ ରୁହନ୍ତୁ ବୋଲି ସଚିନ ଟ୍ୱିଟ କରିଛନ୍ତି । ଏହା ସହ ୨୦୧୧ ମସିହା ଆଜିର ଦିନରେ ବିଶ୍ୱକପ ବିଜୟକୁ ମଧ୍ୟ ମନେପକାଇଛନ୍ତି ସଚ୍ଚିନ । ବିଶ୍ୱର ବଡ଼ବଡ଼ ଖେଳାଳୀମାନଙ୍କୁ ନେଇ ରୋଡ଼ ସେଫ୍ଟି ବିଶ୍ୱକପ ସିରିଜ ରାୟପୁରରେ ଆୟୋଜିତ ହୋଇଥିଲା । ଇଣ୍ଡିଆ ଲିଜେଣ୍ଡସର ନେତୃତ୍ୱ ନେଇଥିବା ସଚିନ ଟୁର୍ଣ୍ଣାମେଣ୍ଟରେ ଦଳକୁ ଚମ୍ପିଆନ କରାଇଥିଲେ । ତେବେ ଟୁର୍ଣ୍ଣାମେଂଟ ପରେ ସଚିନଙ୍କ ସମେତ ଚାରି ଭାରତୀୟ ଖେଳାଳି କରୋନାରେ ସଂକ୍ରମିତ ହୋଇଛନ୍ତି ।

  • Tags:

Subscribe

National International State Sports Entertainment