ନୂଆଦିଲ୍ଲୀ: ଆଇପିଏଲ୍ ୨୦୨୫ ପାଇଁ ହେବାକୁ ଥିବା ନିଲାମର ଅପେକ୍ଷାର ଅନ୍ତ ହେବାକୁ ଯାଉଛି । ଟୁର୍ଣ୍ଣାମେଣ୍ଟ ପାଇଁ ମେଗା ଅକ୍ସନ ନଭେମ୍ବର ୨୪ ଓ ୨୫ ସାଉଦି ଆରବର ଜେଦା ସହରରେ ଆୟୋଜିତ ହେବ । ଆଜି ନିଲାମର ପ୍ରଥମ ଦିନ । ଏଥର ମୋଟ୍ ୫୭୭ ଖେଳାଳିଙ୍କ ନିଲାମ ହେବ । 

ଅକ୍ସନରେ ମୋଟ୍ ୫୭୭ ଖେଳାଳି ସାମିଲ ହେଉଥିବା ବେଳେ ଏଥିରେ ୩୬୭ ଭାରତୀୟ ଓ ୨୧୦ ବିଦେଶୀ ଖେଳାଳି ସାମିଲ । ତେବେ ନିଲାମରେ କେବଳ ୨୦୪ ଖେଳାଳିଙ୍କ ଭାଗ୍ୟ ଚମକିବ । ସବୁ ଦଳ ପାଇଁ ୨୦୪ ଖେଳାଳିଙ୍କୁ କିଣିବା ପାଇଁ ସ୍ଲଟ୍ ଖାଲି ରହିଛି । ଏଥିରୁ ଅଧିକରୁ ଅଧିକ ୭୦ ବିଦେଶୀ ଖେଳାଳିଙ୍କୁ ଫ୍ରାଞ୍ଚାଇଜ ନିଜ ଦଳରେ ସାମିଲ କରି ପାରିବେ । ଏହା ଦେଖିବାକୁ ବାକି ରହିଲା ଯେ, ନିଲାମରେ କେଉଁ ଖେଳାଳିଙ୍କ ଭାଗ୍ୟ ଚମକିବ । 

ଉଲ୍ଲେଖନୀୟ ନିଲାମ ପାଇଁ ମୋଟ୍ ୧୫୭୪ ଖେଳାଳି ନିଜ ନାଁ ପଞ୍ଜିକରଣ କରିଥିଲେ । ଏଥିରୁ ୫୭୭ ଖେଳାଳିଙ୍କୁ ନିଲାମ ପାଇଁ ସଟଲିଷ୍ଟ କରାଯାଇଛି । ନିଲାମରେ ୫୭୭ ଖେଳାଳିଙ୍କ ନାଁ ଗୋଟି ଗୋଟିଏ କରି ଡକାଯିବ । ପୁଣି ୧୧୮ତମ ଖେଳାଳି ସହିତ ଏକ୍ସିଲେରେସନ ରାଉଣ୍ଡ ଆରମ୍ଭ ହେବ । ସର୍ବ ପ୍ରଥମେ ନିଲାମୀରେ ଦୁଇ ମାର୍କ ସେଟ୍ କରାଯିବ । ଏହା ପରେ ଅନ୍ତର୍ଜାତୀୟ ମ୍ୟାଚ୍ ଖେଳୁଥିବା ଖେଳାଳିଙ୍କ ନିଲାମ ଡକରା ହେବ । 

ସାଉଦି ଆରବରେ ହେଉଥିବା ଏହି ମେଗା ନିଲାମର ଆରମ୍ଭ ଆଜି ଭାରତୀୟ ସମୟ ଅପରାହ୍ଣ ୩ଟା ୩୦ରେ ଆରମ୍ଭ ହେବ । ଏହି ମେଗା ନିଲାମର ସିଧା ପ୍ରସାରଣ ଭାରତରେ ଟିଭିରେ ଷ୍ଟାର ସ୍ପୋର୍ଟ୍ସ ଚ୍ୟାନେଲ ଜରିଆରେ ଦେଖି ପାରିବେ । ଆଉ ଓଟିଟିରେ ଜିଓ ସିନେମାରେ ଲାଇଭ ଷ୍ଟ୍ରିମିଂର ମଜା ଉଠାଇ ପାରିବେ । 

ଆଇପିଏଲ୍ ୨୦୨୫ର ନିଲାମ ପାଇଁ କେଉଁ ଦେଶର କେତେ ଖେଳାଳି ହୋଇଛନ୍ତି ସର୍ଟଲିଷ୍ଟ

ଆଫଗାନିସ୍ତାନ- ୧୮ ଖେଳାଳି

ଅଷ୍ଟ୍ରେଲିଆ- ୩୭ ଖେଳାଳି

ବାଂଲାଦେଶ- ୩୭ ଖେଳାଳି

ଇଂଲଣ୍ଡ- ୩୭ ଖେଳାଳି

ଭାରତ- ୩୬୬ ଖେଳାଳି

ଆୟରଲାଣ୍ଡ- ୨ ଖେଳାଳି

ନ୍ୟୁଜିଲାଣ୍ଡ- ୨୪ ଖେଳାଳି

ସ୍କଟଲାଣ୍ଡ- ୧ ଖେଳାଳି

ଦକ୍ଷିଣ ଆଫ୍ରିକା- ୩୧ ଖେଳାଳି

ଶ୍ରୀଲଙ୍କା- ୧୯ ଖେଳାଳି

ୟୁଏସଏ- ୨ ଖେଳାଳି

ୱେଷ୍ଟଇଣ୍ଡିଜ- ୨୨ ଖେଳାଳି

ଜିମ୍ବାୱେ- ୩