ନୂଆଦିଲ୍ଲୀ: ୱକଫ୍ ସଂଶୋଧିତ ଆଇନକୁ ନେଇ ଆବେଦନ ହୋଇଥିବା ପିଟିସନର ବୁଧବାର ମାନବ୍ୟର ସର୍ବୋଚ୍ଚ ଅଦାଲତ ଶୁଣାଣି କରିଛନ୍ତି । ୱକଫ୍ ବାଏ ୟୁଜର୍ ବା ଉପଭୋକ୍ତାଙ୍କ ଦ୍ୱାରା ୱକଫ୍ ସମ୍ପତ୍ତିର ପ୍ରାବଧାନକୁ ନେଇ ସୁପ୍ରିମକୋର୍ଟ କେନ୍ଦ୍ର ସରକାରଙ୍କ ସ୍ପଷ୍ଟୀକରଣ ମାଗିଛନ୍ତି । ଯେଉଁମାନଙ୍କ ପାଖରେ ପୁରୁଣା ମସଜିଦର ଦସ୍ତାବିଜ ନାହିଁ ସେମାନଙ୍କର କିପରି ପଞ୍ଜିକରଣ କରାଯିବ ସେ ନେଇ ମଧ୍ୟ ଜବାବ ମାଗିଛନ୍ତି । 

ପ୍ରଧାନ ବିଚାରପତି ସଞ୍ଜୀବ ଖନ୍ନାଙ୍କ ଅଧ୍ୟକ୍ଷତାରେ ଗଠିତ ତିନି ଜଣିଆ ଖଣ୍ଡପୀଠ ୱକଫ୍ ସଂଶୋଧନ ଆଇନ ବିରୋଧରେ ହୋଇଥିବା ୭୩ଟି ଆବେଦନର ଶୁଣାଣି କରିଛନ୍ତି । ୱକଫ୍ ବାଏ ୟୁଜର୍ ପ୍ରାବଧାନକୁ ନୂତନ ଆଇନରୁ ବାଦ ଦେବାକୁ ନେଇ ସ୍ପଷ୍ଟୀକରଣ ମାଗିଛନ୍ତି ଖଣ୍ଡପୀଠ । ୧୪ଦଶ ଏବଂ ୧୬ଶ ଶତାବ୍ଦୀରେ ନିର୍ମାଣ ହୋଇଥିବା ମସଜିଦ ନିକଟରେ ବିକ୍ରୟ ପତ୍ର ନ ଥିବ । ଏମାନଙ୍କର ପଞ୍ଜୀକରଣ କିପରି କରାଯିବ ବୋଲି କେନ୍ଦ୍ର ସରକାରଙ୍କୁ ଜବାବ ମାଗିଛନ୍ତି ।  

' ୱକଫ୍ ବାଏ ୟୁଜର୍' ବା ଉପଭୋକ୍ତାଙ୍କ ଦ୍ୱାରା ୱକଫ୍ ଏପରି ସମ୍ପତ୍ତିକୁ ବୁଝାଏ ଯାହାକୁ ୱକଫ ଭାବରେ ବିବେଚନା କରାଯାଏ କାରଣ ଏହା ଦୀର୍ଘ ସମୟ ଧରି ଧାର୍ମିକ କିମ୍ବା ଦାନ ଉଦ୍ଦେଶ୍ୟରେ ବ୍ୟବହୃତ ହୋଇଆସୁଛି । ଯଦିଓ ଏହାର କୌଣସି ଆନୁଷ୍ଠାନିକ ଦସ୍ତାବିଜ ନାହିଁ । ତଥାପି ବିବାଦିତ ସମ୍ପତ୍ତି କିମ୍ବା ସରକାରୀ ଜମିରେ ଥିବା ସମ୍ପତ୍ତି ପାଇଁ ପ୍ରଯୁଜ୍ୟ ହେବ ନାହିଁ ବୋଲି ନୂଆ ଆଇନରେ ଏହାକୁ ବାଦ ଦିଆଯାଇଛି । କୋର୍ଟ କହିଛନ୍ତି ଯେ କେନ୍ଦ୍ର ସରକାର ଏପର୍ଯ୍ୟନ୍ତ ଏହି ପ୍ରଶ୍ନର ଉତ୍ତର ଦେଇନାହାଁନ୍ତି। 'ଉପଭୋକ୍ତାଙ୍କ ଦ୍ୱାରା ୱାକଫ' ଘୋଷଣା କରାଯିବ କି ନାହିଁ ? ବ୍ୟବହାରକାରୀଙ୍କ ସମ୍ପତ୍ତି ଦ୍ୱାରା ୱକଫ ପଞ୍ଜୀକରଣ କିପରି କରାଯିବ ? ଆପଣ କହିପାରିବେ ନାହିଁ ଯେ ଏପରି କୌଣସି ମାମଲା ହେବ ନାହିଁ ।"ଏପରି ମସଜିଦଗୁଡ଼ିକ 'ୱକଫ ବାଏ ୟୁଜର' ସମ୍ପତ୍ତି ହୋଇଥିବାରୁ ସେମାନଙ୍କଠାରୁ ପଞ୍ଜିକୃତ କାଗଜପତ୍ର ଦାବି କରିବା ଅସମ୍ଭବ । 

ସେହିପରି କୋର୍ଟ ୱକଫ ବୋର୍ଡ ଏବଂ କେନ୍ଦ୍ରୀୟ ୱକଫ ପରିଷଦରେ ଅଣମୁସଲମାନମାନଙ୍କୁ ସାମିଲ କରିବାର ବ୍ୟବସ୍ଥା ଉପରେ ମଧ୍ୟ ପ୍ରଶ୍ନ ଉଠାଇଛନ୍ତି । କେନ୍ଦ୍ରକୁ ପଚାରିଛନ୍ତି ଯେ ଏହା ହିନ୍ଦୁ ଟ୍ରଷ୍ଟରେ ମୁସଲମାନମାନଙ୍କୁ ସାମିଲ କରିବାକୁ ଅନୁମତି ଦେବ କି ? ଖଣ୍ଡପୀଠ ଏହା ମଧ୍ୟ କହିଛନ୍ତି ଯେ ୱକଫ ସଂଶୋଧନ ଆଇନର ସର୍ତ୍ତ ଅନୁଯାୟୀ ଜିଲ୍ଲାପାଳ ଯେ ପର୍ଯ୍ୟନ୍ତ ଏହା ସରକାରୀ ଜମି କି ନାହିଁ ତାହା ତଦନ୍ତ ନ କରିଛନ୍ତି ସେ ପର୍ଯ୍ୟନ୍ତ କୌଣସି ସମ୍ପତ୍ତିକୁ ୱକଫ ଭାବରେ ବିବେଚନା କରାଯିବ ନାହିଁ, ତାହାକୁ ପ୍ରଭାବଶାଳୀ ବିବେଚନା କରାଯିବ ନାହିଁ ବୋଲି କହିଛନ୍ତି ଖଣ୍ଡପୀଠ । 

ଅନ୍ୟପକ୍ଷରେ କେନ୍ଦ୍ର ସରକାରଙ୍କ ପକ୍ଷରୁ ସଲିସିଟର ଜେନେରାଲ ତୁଷାର ମେହେଟା କହିଥିଲେ ଯେ ସେଠାରେ ଏକ ଦୋକାନ ଅଛି, ଏକ ୱକଫ ମନ୍ଦିର ଅଛି। ଆଇନରେ ଏହା କୁହାଯାଇ ନାହିଁ ଯେ ଏହାର ବ୍ୟବହାର ବନ୍ଦ ହୋଇଯିବ । ଏହା କୁହାଯାଇଛି ଯେ ଯେ ପର୍ଯ୍ୟନ୍ତ ନିଷ୍ପତ୍ତି ନିଆଯାଇ ନାହିଁ, ସେ ପର୍ଯ୍ୟନ୍ତ ଏହାକୁ ଲାଭ ମିଳିବ ନାହିଁ । ଏଥିରେ ସିଜେଆଇ ଖନ୍ନା ପଚାରିଥିଲେ, "ତା'ପରେ କ'ଣ ହେବ ? ଭଡା ଟଙ୍କା କେଉଁଠିକୁ ଯିବ ? ତେବେ ସେହି ବ୍ୟବସ୍ଥାର ଆବଶ୍ୟକତା କ'ଣ ?" ଏହାର ଉତ୍ତରରେ ମେହେଟା କହିଥିଲେ, "ଏହା କୁହାଯାଇନାହିଁ ଯେ ୱକଫ ଭାବରେ ଏହାର ବ୍ୟବହାର ବନ୍ଦ ହୋଇଯିବ।"