ଦିଲ୍ଲୀରେ ଲାଉଡସ୍ପିକର ଉପରେ କଟକଣା । ଉତ୍ତର ପ୍ରଦେଶ ପରି, ଦିଲ୍ଲୀରେ ମଧ୍ୟ ଏକ କଠୋର ଶବ୍ଦ ନିୟନ୍ତ୍ରଣ ନୀତି କାର୍ଯ୍ୟକାରୀ ହୋଇଛି। ଏନେଇ ଦିଲ୍ଲୀ ପୋଲିସ ସ୍ପଷ୍ଟ ନିର୍ଦ୍ଦେଶ ଜାରି କରିଛି। ମନ୍ଦିର ହେଉ କିମ୍ବା ମସଜିଦ, ଗୁରୁଦ୍ୱାର ହେଉ କିମ୍ବା ଚର୍ଚ୍ଚ, କୌଣସି ଧାର୍ମିକ ସ୍ଥଳ ଏବେ ନିର୍ଦ୍ଧାରିତ ମାନଦଣ୍ଡଠାରୁ ଅଧିକ ଲାଉଡସ୍ପିକର ବଜାଇ ପାରିବ ନାହିଁ। 

ସେହିପରି ଅନୁମତି ବିନା ବିବାହ ଉତ୍ସବରେ କୌଣସି ସ୍ପିକର ଲଗାଯିବ ନାହିଁ ।  କିମ୍ବା ଅନୁମତି ବିନା କୌଣସି କାର୍ଯ୍ୟକ୍ରମରେ କୌଣସି ହଙ୍ଗାମା ହେବ ନାହିଁ। ଦିଲ୍ଲୀ ପୋଲିସ କହିଛି ଯେ ଲିଖିତ ଅନୁମତି ବିନା ସାର୍ବଜନୀନ ସ୍ଥାନରେ ଲାଉଡସ୍ପିକର କିମ୍ବା ପବ୍ଲିକ୍ ଆଡ୍ରେସ୍ ସିଷ୍ଟମ୍ ବ୍ୟବହାର କରାଯାଇପାରିବ ନାହିଁ। ସ୍ଥାନୀୟ ପୋଲିସ ଷ୍ଟେସନର ଲିଖିତ ଅନୁମତି ବିନା ଉପକରଣ ଯୋଗାଇ ନଦେବା ପାଇଁ ଟେଣ୍ଟ ହାଉସ କିମ୍ବା ସାଉଣ୍ଡ ସିଷ୍ଟମ ଯୋଗାଣକାରୀମାନଙ୍କୁ ମଧ୍ୟ ନିର୍ଦ୍ଦେଶ ଦିଆଯାଇଛି। ଏହା ସହିତ, ବ୍ୟକ୍ତିଗତ ଶବ୍ଦ ପ୍ରଣାଳୀର ଭଲ୍ୟୁମ୍ ନିର୍ଦ୍ଧାରିତ ସୀମାଠାରୁ ୫ ଡିସିବୁଲରୁ ଅଧିକ ହେବା ଉଚିତ୍ ନୁହେଁ ବୋଲି କହିଛି ପୋଲିସ । ଏଥିସହ ନିୟମ ନ ମାନିଲେ କଡ଼ା କାର୍ଯ୍ୟାନୁଷ୍ଠାନ ନିଆଯିବ ବୋଲି ପୋଲିସ ଚେତାଇ ଦେଇଛି