ପୁଣି ଲାଗିଲା ଟ୍ରେନରେ ନିଆଁ । ଗତ ସପ୍ତାହରେ ଗୁଜରାଟର ମେମୁ ଟ୍ରେନ୍ର ଇଞ୍ଜିନରେ ଭୟଙ୍କର ନିଆଁ ଲାଗିଥିଲା । ଯାହାଫଳରେ ୨ଟି ବଗି ସମ୍ପୂର୍ଣ୍ଣ ଜଳିପୋଡ଼ି ନଷ୍ଟ ହୋଇଯାଇଥିଲା । କିନ୍ତୁ କୌଣସି ଯାତ୍ରୀଙ୍କର କୌଣସି କ୍ଷତି ହୋଇନଥିଲା । ସୂଚନା ଅନୁସାରେ, ଶନିବାର ଗୁଜରାଟର ଭଲସାଡର ଏକ ହମ୍ସଫର ଟ୍ରେନରେ ଲାଗିଥିଲା ନିଆଁ । ନିଆଁ ଜେନେରେଟର କମ୍ପାର୍ଟମେଣ୍ଟରୁ ଲାଗି ଯାତ୍ରୀ କୋଚକୁ ମାଡ଼ିଯାଇଥିଲା । ଏହା ପରେ ବଗିଗୁଡିକୁ ଟ୍ରେନରୁ ଅଲଗା କରାଯାଇଥିଲା । ନିଆଁ ଲାଗିବା ଯାତ୍ରୀମାନଙ୍କ ମଧ୍ୟରେ ଏକ ଭୟ ସୃଷ୍ଟି କରିଥିଲା । ନିଆଁ ଲାଗିବା ପରେ ଯାତ୍ରୀମାନେ ସଙ୍ଗେ ସଙ୍ଗେ ଟ୍ରେନ୍ରୁ ଓହ୍ଲାଇ ଏଣେତେଣେ ଦୌଡ଼ିବା ଆରମ୍ଭ କରିଥିଲେ । ନିଆଁର ପ୍ରଭାବରେ କୌଣସି ଯାତ୍ରୀ ଓ ଧନଜୀବନ କ୍ଷତି ହୋଇନଥିବା ସୂଚନା ମିଳିଛି । ଯାତ୍ରୀମାନେ ନିଆଁ ଲାଗିବା କ୍ଷଣି ନିଜ ନିଜ ଜିନିଷପତ୍ର ଧରି ଟ୍ରେନ୍ରୁ ଓହ୍ଲାଇ ପଡ଼ିଥିଲେ । ଖବର ପାଇ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିବା ପାଇଁ ଚେଷ୍ଟା ଜାରି ରଖିଥିଲେ । ପୋଲିସ ଘଟଣାର ତଦନ୍ତ କରୁଛି ।
ଅଧିକ ପଢନ୍ତୁ: ଆଜି ରିଲିଜ ହୋଇଛି ଶିଳ୍ପା ସେଠୀ କୁନ୍ଦ୍ରାଙ୍କ ଅଭିନୀତ ଫିଲ୍ମ 'ସୁଖୀ'