ପ୍ରୟାଗରାଜ: ମହାକୁମ୍ଭରେ ଦେଖିବାକୁ ମିଳିଛି ଆସ୍ଥା ଓ ବିଶ୍ୱାସର ଉଦାହରଣ । ଜନ ସମୁଦ୍ର ହୋଇପଡ଼ିଛି ତ୍ରିବେଣୀ ସଙ୍ଗମ । ସୋରିଷ ବୁଣିଲେ ବି ତଳେ ପଡ଼ିବନି । ବୁଧବାର ଅପରାହ୍ନ ୪ଟା ସୁଦ୍ଧା ୫ କୋଟି ୭୧ ହଜାର ଶ୍ରଦ୍ଧାଳୁ ବୁଡ଼ ପକାଇଛନ୍ତି । ବର୍ତ୍ତମାନ ସ୍ଥିତି ନିୟନ୍ତ୍ରଣରେ ଥିବା କହିଛନ୍ତି କୁମ୍ଭର ଡିଆଇଜି ବୈଭବ କୃଷ୍ଣ । ସେ କହିଛନ୍ତି ଯେ ଆଜି ବହୁତ ସଂଖ୍ୟାରେ ଭିଡ଼ ପରିଲକ୍ଷିତ ହୋଇଛି । ୧୦ କୋଟି ଉର୍ଦ୍ଧ୍ୱ ଶ୍ରଦ୍ଧାଳୁଙ୍କ ସମାଗମ ହୋଇଛି । ଭିଡ଼ ଉପରେ ସମ୍ପୂର୍ଣ୍ଣ ନିୟନ୍ତ୍ରଣ ଥିବା କହିଛନ୍ତି ଡିଆଇଜି । 

ମହାକୁମ୍ଭରେ ଗତକାଲି ରାତିରେ ଦଳାଚକଟା ହୋଇଥିଲା । ଯେଉଁଥିରେ ପ୍ରାୟ ୧୦ ଜଣ ଶ୍ରଦ୍ଧାଳୁଙ୍କର ମୃତ୍ୟୁ ହୋଇଥିଲା । ଏହା ପରେ ଅମୃତ ସ୍ନାନକୁ ସାମୟିକଭାବେ ସ୍ଥଗିତ ରଖାଯାଇଥିଲା । ପୁଣି ଥରେ ଅମୃତ ବେଳା ଆସିବା ପରେ ପ୍ରଶାସନ ପକ୍ଷରୁ ବୁଡ଼ ପକାଇବାକୁ ଅନୁମତି ପ୍ରଦାନ କରାଯାଇଥିଲା । ଅଖଡ଼ାର ସାଧୁସନ୍ଥମାନେ ଶୋଭାଯାତ୍ରାରେ ଆସି ସଙ୍ଗମ ସ୍ଥଳରେ ପହଁଚି ଅମୃତ ସ୍ନାନ କରିଥିଲେ ।